Mulongo Wamiswaangano Yamulimo
Nsondo Iitalika mu March 13
Lwiimbo 23
10 min: Zyakwaambilizya zyambungano. Zyakwaambilizya zisalidwe mu Mulimo Wesu Wabwami.
15 min: “Tukambauka Makani Mabotu.” Imajwi aanu aantalisyo aabe buyo masyoonto aatasiki kuminiti yomwe, mpoonya muzumanane amubandi wakubuzya akwiingula. Amupe zitondezyo zyamu Magwalo izigwasya zizwa mubbuku lya Luzibo izikonzya kubelesegwa notumwaya bbuku eli mumuunda.
20 min: “Sena Mwezi wa April 2000 Tulakonzya Kuucita Kuba Mwezi Mubotu Kwiinda?” (Minc. 1-11) Kubuzya akwiingula. Amwaambe mweelwe waino-ino waatala wabapainiya bakugwasilizya mumbungano yanu. Amulombe bamwi babaabo baluule lugwasyo ndobajana kwiinda mukutola lubazu cakuyaambele mumulimo. Amubakulwaizye boonse mumbungano kuti basoleke canguzu kusikaa mweelwe mupya waatala wabapainiya bakugwasilizya mumwezi wa April. Amulange-lange zyeelelo zilembedwe mubbuku lya Mulimo Wesu amapeeji 113-14. Basikumwaya bayanda kuyoocita bupainiya bwakugwasilizya balakonzya kubweza mafoomu aakulilembya wamana muswaangano.
Lwiimbo 17 amupailo wakujala.
Nsondo Iitalika mu March 20
Lwiimbo 8
10 min: Zyakwaambilizya zyambungano. Lipooti yamaakkaunti.
15 min: “Ino Inga Ndicita Nzi?” mweendelezi waciiyo cabbuku abandike makani aaya amukutausi omwe naa bobilo. Nkaambo kabuyumuyumu bumwi, basikumwaya bamwi balakonzya kulimvwa kuti taakwe cintu cipati ncobakonzya kucita mumbungano. Amulange-lange nzila zimwi toonse motunga twagwasilizya kutegwa mbungano iyume alimwi akutolaambele mulimo wa Bwami. Mumanizye amakani aatondezya umwi aumwi mbwakonzya “Kubaa Lubazu Mulipooti Yamamanino.”—Amubone bbuku lya Mulimo Wesu amapeeji 108-10.
20 min: “Sena Mwezi wa April 2000 Tulakonzya Kuucita Kuba Mwezi Mubotu Kwiinda?” (Mincali 12-18) Kubuzya akwiingula. Mubikkilizye acitondezyo cifwaafwi cambokutambwa muntu ngomuzibene limwi ku Ciibalusyo. Amulange-lange mwezi wa April a Kkalenda yamu 2000, mpoonya mwaambe bubambe bwamiswaangano yamulimo buliko mumbungano yanu. Amubayeezye boonse ikubaa bubambe bwaciindi bubeleka kabotu bwakutola lubazu mumulimo mbuli mbocikonzyeka mumwezi ooyu kutegwa boonse buyo mumbungano bakatole lubazu. Amubakulwaizye boonse aabo bakonzya kucita bupainiya bwakugwasilizya kutegwa bacite oobo alimwi akuti balakonzya kubweza mafoomu aakulilembya wamana muswaangano.
Lwiimbo 4 amupailo wakujala.
Nsondo Iitalika mu March 27
Lwiimbo 25
10 min: Zyakwaambilizya zyambungano. Amubayeezye boonse kuleta malipooti aabo aamulimo wamumuunda aamwezi wa March. Amwaambilizye mazina abaabo bayoocita bupainiya bwakugwasilizya mu April. Amubazibye kuti ciindi nkocicili kuli baabo bayanda kulilembya. Amubaambile zyabubambe buliko bwamumulimo wamumuunda mumwezi wa April. Amubakulwaizye boonse kutola lubazu mumulimo kumamanino aansondo ino kutegwa utalikwe kabotu mwezi wa April. Mumwezi ooyu tuyoomwaya mamagazini aa Ngazi Yamulindizi alimwi a Awake! Amutondezye cibalo comwe muzubulule kaambo kakondelezya kalo kakonzya kubelesyegwa kabotu mukumwaya magazini yomwe-yomwe yalino-lino. Sikumwaya uli oonse weelede kubaa kkopi yabroshuwa lya Ncayanda akusoleka kapati kulibelesya kutegwa atalisye ziiyo zya Bbaibbele abantu bayanda.
13 min: “Amulombe Lugwasyo.” Makani aakubandika abaswiilizi ayookananwaa mwaalu. Amupandulule ncotuyandikila kugwasigwa toonse ciindi aciindi. Pele muntu amuntu uleelede kunyampula mukuli wakwe mwini. (Gal. 6:5) Nokuba boobo, eelyo notuli mupenzi tuteenkeenki kulomba lugwasyo mumbungano kuzwa kuli baabo basimide munzila yakumuuya. Amulombe baswiilizi baluule mbuli mbobakakulwaizigwa alugwasyo lwaluyando kuzwa kuli bamwi.
10 min: Ziyandika zyambungano.
12 min: “Sena Mujisi Oda Iizumanana?” Amwaabandike akwaalanga-langa makani aaya abaswiilizi. Amubuzye bamwi baambe mbuli mbobayootobela malailile aapedwe.
Lwiimbo 15 amupailo wakujala.
Nsondo Iitalika mu April 3
Lwiimbo 12
10 min: Zyakwaambilizya zyambungano azyakuluula zyamumulimo wamumuunda. Amubelesye zitondezyo zyakacitika caino-ino mucilawo canu zitiikulwaizye bamwi kutola lubazu mumulimo wamumuunda.
17 min: “Ikwiiya Businsimi bwa Daniele.” Kubuzya akwiingula. Amwaambe mubufwaafwi mbotuyoogwasigwa ikuti twaliiya bbuku lya Daniele lyamu Bbaibbele. (Amubone cibalo 1 mincali 15-17 mubbuku lya Businsimi bwa Daniele.) Amubakulwaizye boonse kunoojanika ku Ciiyo Cabbuku Cambungano lyoonse.
18 min: Sena Ndeelede Kuyaamba Milandu Mipati? Makani ayookananwaa mwaalu kukananina bakubusi. Kuli mapenzi manji munyika ino njotukkede aanyonyoona bakubusi banji: ikusofwaala kwazyeelelo zyakulilemeka, kulwana kuyaabwiindila, ikuzyibila kubelesya misamu iikola alimwi akutatobela bweendelezi. Bakubusi bamwi mbasikuupaupa ameso, bacita zintu zisofweede cakusisikizya. Eci cibikka mbungano yoonse muntenda munzila yakumuuya. Ibamwi bacita zintu zibi kapati mpoonya tabazyaambi pe, balazisisa. Ikuti naa mwamvwa naa kubona mukwesu antela mucizi mumbungano kacita cintu cibi kapati citeendelani amulawo wa Leza, ncinzi ncomweelede kucita? Amulange-lange njiisyo iijanika kuli Levitiko 5:1. (Amubone Ngazi Yamulindizi yamu August 15, amapeeji 27-30 yamu Chichewa.) Amwaambe zili mubbuku lya Achichepere Akufunsa amapeeji 68-9 akupandulula umwi aumwi ncayelede kucita muciimo cili boobu.
Lwiimbo 13 amupailo wakujala.