Mulongo Wamiswaangano Yamulimo
Nsondo Iitalika mu August 13
Lwiimbo 23
13 min: Zyakwaambilizya zyambungano. Zyakwaambilizya zisalidwe mu Mulimo Wesu Wabwami. Amubandike “Ipulogilamu Mpya ya Muswaangano Waalubazu.” Amwaambilizye deeti yamuswaangano waalubazu wabuzuba bomwe uutobela alimwi akukulwaizya boonse kujanika kupulogilamu yoonse. Amubakulwaizye basikumwaya kubatamba aabo bapya bajisi luyandisisyo alimwi ambobayiya limwi Bbaibbele.
17 min: “Sena Muyanda Kuyungizya?”a Amubikkilizye atwaambo tugwasya kujatikizya kuyungizya mulimo kuti mukambaukile bantu bali mucilawo canu baambaula mwaambo uumbi. Mubufwaafwi, amupe twaambo kuzwa mu Ngazi Yamulindizi yamu Chichewa ya June 15, 1997 mapeeji 26-29.
15 min: “Ikulyookezya Amukubikke Mubusena Bweelede.” Sikucitya ciiyo cabbuku wabandika abanabukwetene nocamana ciiyo. Munzila yalubomba waamba kuti, kwainda ciindi katababoni kuunka mumulimo wamumuunda naa kumiswaangano yakumamanino aansondo. Banabukwetene bapandulula kuti, bajisi bubi kweendeenda mukuswaya alimwi akucita zintu zimbi. Imwaalu walanga-langa twaambo tupati-pati mucibalo kugwasya banabukwetene kubona kuti zintu zyakumuuya lyoonse zyeelede kuba mubusena butaanzi. Batondezya kulumba akaambo kaziyeezyo zibotu. Bazumina kuti bayoozibikka kumbele zintu zibotu ziyandika kucita.—Amubone Ngazi Yamulindizi yamu October 1, 2000 mapeeji 28-29.
Lwiimbo 13 amupailo wakujala.
Nsondo Iitalika mu August 20
Lwiimbo 20
8 min: Zyakwaambilizya zyambungano. Lipooti yamaakkaunti.
15 min: “Muli ‘Ceebelo Kumeso Aazilenge’!”b Amwaambe twaambo tumwi twakacitika kubusena nkomukkala ciindi bantu nobakapa twaambo tubotu kujatikizya mulimo naa kulilemeka kwa Bakamboni ba Jehova.—Amubone Ngazi Yamulindizi yamu Chichewa yamu March 15, 1998 apeeji 10 alimwi ayamu January 15, 1999 apeeji 32.
22 min: “Kulilemeka Kubotu—Ncitondezyo Cabantu Balyaabide Kuli Leza.” Mwaalu wapa makani kwamaminiti osanwe mumincali 1-5. Mpoonya wabandika cibalo casyaala acibumbili amwaalu umwi alimwi amukutausi. Babandika kujatikizya mbokunga kweelebwa zilengwa zimwi zyakutalanganya bamwi zyalo zikonzya kunyonganya miswaangano yesu alimwi akucesya lugwasyo ndotujana. Batondezya mbuli kuyanzana kwesu abantu bamwi mbokukulwaizya ncobeni ciindi notutondezya kubikkila maanu caluyando kuzintu ziyanda bamwi.—Flp. 2:4.
Lwiimbo 22 amupailo wakujala.
Nsondo Iitalika mu August 27
Lwiimbo 21
10 min: Zyakwaambilizya zyambungano. Amubayeezye basikumwaya kupa malipooti aamulimo wamumuunda aamwezi wa August. Amwaambe mubufwaafwi kaambo komwe naa tobile kujatikizya mabbuku aaliko mbwaakonzya kumwaigwa mumuunda mumwezi wa September.
10 min: Ziyandika zyambungano.
15 min: Kabbokesi Kamubuzyo. Mubandi abaswiilizi. Amutondezye mbuli sikumwaya mbwakonzya kutalisya makani kujatikizya zyakusanga zyakuliyandila munzila iigaminide alimwi nguba-uba. Ikuti naa uulaaŋanda wabuzya muulo wabbuku, sikumwaya ulakonzya kwiingula kuti: “Kunyina muulo uubikkidwe kumabbukeesu, pele kuti kamuyanda kupa cakusanga ncomujisi kumulimo wesu wakuyiisya Bbaibbele wanyika yoonse, inga twalumba kapati ikutambula kusanga kwenu.” Ikuti naa kacikonzyeka, sikumwaya ulakonzya kutalisya makani kwiinda mukwaamba kuti: “Mulakonzya kamweezeezya kuti, mbuti Bakamboni ba Jehova mbobacikonzya kucita mulimo ooyu.” Sikumwaya ulakonzya kwiima asyoonto kulindila bwiinguzi, mpoonya ulakonzya kuzumanana kwaamba kuti: “Boonse Bakamboni ba Jehova mbabelesi balyaabide batavwoli mumulimo wabo. Eeci cilabikkilizya abaabo basimba alimwi akumwaya mabbuku. Swebo alimwi abamwi aabo balumba akaambo kabubotu bwamulimo ooyu wakuyiisya Bbaibbele tulagwasilizya kwiinda mukupa zyakusanga zyesu zyakuliyandila. Kufwumbwa muntu uuyanda kupa cakusanga ncajisi, cilatambulwa cakulumba.” Sikumwaya mpoonya ulakonzya kwiima, kulindila mwiniŋanda kuti aingule. Amubayeezye basikumwaya kwaabelesya kabotu mabbuku alimwi akupandulula bubambe bwakusanga munzila yabupampu kubantu batondezya luyandisisyo lwini-lwini alimwi akubweza mabbuku.
10 min: “Ikukambaukila Basintolongo.” Mubandi uukondelezya wabakwesu bobile.
Lwiimbo 11 amupailo wakujala.
Nsondo Iitalika mu September 3
Lwiimbo 9
8 min: Zyakwaambilizya zyambungano.
17 min: “Ino Mbuti Kuyanzana kwa Bunakristo Mbokuyandika?”c Amubikkilizye twaambo tuli mu Ngazi Yamulindizi yamu Chichewa yamu January 15, 1996 apeeji 22 akatwe kamakani kakuti “Kupyolera Mumpingo.”
20 min: Ikuti Umwi Waamba Kuti. Mubandi alimwi azitondezyo. Iciindi bantu nobapa twaambo naa kubuzya mibuzyo njotutayeeyeli mumulimo, tweelede kusola kwiingula muciindi cakucinca kaambo naa kukosola mubandi. Ikanjikanji bbuku lya Kukambitsirana liyoogwasya mumakani aaya. Amwaambe twaambo twaambwa kanjikanji kutegwa basikumwaya batondezye mbokwiingulwa kubelesya twaambo tuli mubbuku lya Kukambitsirana. Mucikozyanyo: ‘Tandisyomi muli Leza.’ (mapeeji 311-2) ‘Nkaambo nzi ncomutatoli lubazu mukusola-sola kwakusumpula cilawo?’ (peeji 278) ‘Tacikwe makani kufwumbwa cikombelo nkondizulilwa.’ (peeji 93) Amubakulwaizye boonse kubelesya cibeela eci cabbuku lya Kukambitsirana ciindi nokubuka mibuzyo njobatalangili mumulimo.
Lwiimbo 5 amupailo wakujala.
Bupanduluzi buyungizidwe
a Majwi aantalisyo aatasiki kuminiti yomwe, mpoonya muzumanane amubandi wakubuzya alimwi akwiingula.
b Majwi aantalisyo aatasiki kuminiti yomwe, mpoonya muzumanane amubandi wakubuzya alimwi akwiingula.
c Majwi aantalisyo aatasiki kuminiti yomwe, mpoonya muzumanane amubandi wakubuzya alimwi akwiingula.