Mulongo Wamiswaangano Yamulimo
Nsondo Iitalika mu January 14
Lwiimbo 4
15 min: Zyakwaambilizya zyambungano. Zyakwaambilizya zisalidwe mu Mulimo Wesu Wabwami. Amubandike kabbokesi kakuti “Kwabambwa Mbunga Zipya Izizumizyidwe Amulawo.”
20 min: “Nobazyali—Amubayiisye Bana Benu Kuzwa Kubuvwanda.”a Amubikkilizye atwaambo kuzwa mu Ngazi Yamulindizi ya Chichewa yamu April 15, 1998, apeeji 32. Amubatambe ibazyali ikutegwa baluule mpindu nzyobajana kwiinda mukutalika kuyiisya bana babo zintu zyakumuuya kabacili bavwanda.
10 min: “Nzyomweelede Kwaamba Kujatikizya Mamagazini.” Zitondezyo zijatikizya mbomukonzya kwaabila Ngazi Yamulindizi yamu Ferbruary 1 alimwi a Galamukani! yamu February 8. Amubakulwaizye basikumwaya boonse kutola lubazu mu Buzuba bwa Mamagazini.
Lwiimbo 21 amupailo wakujala.
Nsondo Iitalika mu January 21
Lwiimbo 6
10 min: Zyakwaambilizya zyambungano. Lipooti yamaakkaunti. Amubandike kabbokesi kakuti “Aliyobwede Cimwi Cintu.”
13 min: Sena Mulalingaula Magwalo Buzubaa Buzuba? Imubandi wamukwasyi. Kutegwa uyungizye mpindu zijanwa kwiinda mumubandi walugwalo lwabuzuba, mukwasyi walanga-langa Ngazi Yamulindizi yamu January 1, 1997 peeji 12, mincali 13-14. Cakukosoola-kosoola, amulange-lange magwalo obile naa otatwe aakalangwa-langwa ino-ino alimwi amupandulule mbwaakagwasya makani aayo. Amukankaizye kuti ikulingaula Magwalo buzubaa buzuba ceelede kuba cibeela cabubambe bwaciiyo ca Bbaibbele camukwasyi cicitwa lyoonse cibambilidwe kubagwasya kuzumanana kabali basungu munzila yakumuuya.
22 min: “Amuzumanane Kubikka Bwami Mubusena Bwakusaanguna.”b Amubikkilizye mibuzyo misyoonto kuzwa kutwaambo tupati-pati tuli mu Ngazi Yamulindizi yamu September 1, 1998 mapeeji 19-21.
Lwiimbo 23 amupailo wakujala.
Nsondo Iitalika mu January 28
Lwiimbo 21
10 min: Zyakwaambilizya zyambungano. Amubayeezye basikumwaya kuti basiye malipooti aabo aamumuunda aamu January. Kwiinda mukubelesya nzila zili apeeji 8, amutondezye zitondezyo zyobile zifwaafwi mbuli mbomukonzya kwaabilwa mamagazini, citondezyo cakusaanguna amubelesye Ngazi Yamulindizi yamu February 1 eelyo muli cabili, mubelesye Galamukani! yamu February 8. Amwaambe mabbuku aakumwaya mu February, alimwi amwaambe amabbuku imbungano ngoijisi.
20 min: Ikugwasyigwa Abubambe Bubotu. Makani abandikwe amwaalu weelela, uuyookanana bubambe ibubambilidwe kutugwasya kusala mbotuyanda kuti tusilikwe kweelana ambuli makkaadi aa Medical Directive alimwi a “Mibuzyo Yabasikubala” kuzwa mu Ngazi Yamulindizi yamu July 1, 2000 alimwi a November 1, 2000. Imbungano yeelede kuti kaijisi makkaadi aa Advance Medical Directive/Release aakkwene. Makkaadi aaya alapegwa kuli basikumwaya boonse babbapatizidwe wamana buyo muswaangano wasunu, pele TAAYELEDE kulembwa sunu ndilyonya pe. Ikusaina makkaadi akuba kamboni alimwi akulemba deeti kuyoocitwa twaakumana Ciiyo Cabbuku Cambungano citobela ooko sikucitya ciiyo cabbuku nkwayootugwasya oomo motuyandika lugwasyo. Aabo basaina kabali bakamboni, beelede kumubona buya mwini kkaadi nasaina. Basikumwaya batabbapatizidwe balakonzya kulilembela kkaadi yabo alimwi ayaayo aanoobelesya bana babo kweelanaa ciimo alimwi alusyomo lwabo kwiinda mukukkopolola majwi aalembedwe aamakkaadi aa Advance Medical Directive/Release alimwi a Identity Card. Amukankaizye mbocili cintu cabusongo ikusalila LIMWI kujatikizya mbobakozya kusilikwa kweelanaa manjezeezyaabo aayiisidwe njiisyo zyamu Bbaibbele. (Tusimpi 27:12; 14:15) Ikubaambilila limwi basilisi bajatikizyidwe kusalazya nzila zyabusilisi nzyomuzumina amisamu njomukonzya kubelesya kulayandika kapati. Iciiyo cenu nobeni cilayandika kapati ikutegwa musale kabotu. Amubale mincali yeelede kuzwa muzibalo zya Ngazi Yamulindizi zyaambidwe musyule oomu. Ibaalu balilibambilide kugwasya, pele kunyina nobabasalila bantu nzyobeelede kucita. Amupandulule nzila mbobanga bapa makani aabo aalembedwe kujatikizya kusala kwabo.
15 min: Ziyandika zyambungano. Amubatambe basikumwaya ikutegwa baluule zyakabacitikila mumuunda nobakali kubelesya bbuku lya Kukambitsirana, kwaabila mabroshuwa aayelede kutegwa kwiingulwe mibuzyo yabantu antela nomwakali kupa luumbulizyo lwamu Magwalo kuzwa mubroshuwa ya Ciindi Muntu Ngomuyanda Nafwa. Antela inga mwacita citondezyo comwe naa zyobile kujatikizya zyakuluula eezyo.
Lwiimbo 11 amupailo wakujala.
Nsondo Iitalika mu February 4
Lwiimbo 26
8 min: Zyakwaambilizya zyambungano.
17 min: “Mbuti Mbobakonzya Kumvwa?”c Amubuzye baswiilizi baambe mbwaabeleka magwalo aali mucibalo. Amubikkilizye amibuzyo iizwa mu Ngazi Yamulindizi yamu September 1, 1998 mumincali 17-18 apeeji 18.
20 min: “Nzila Zyakasalwa Zyakubelesya Mumulimo Wamumuunda.” Imubandi abaswiilizi uyooyendelezyegwaa mulangizi wamulimo. Ipepa lyamukati eeli lilijisi nzila zyakasalwa izyakajanwa mumakkopi aa Mulimo Wesu Wabwami aamusyule alimwi amapya. Itweengo tutalembedwe cintu tulakonzya kubelesyegwa kulemba inzila zimbi iziyoobelesyegwa kumbele alimwi izibeleka kabotu mucilawo ncomubelekela. Amubabuzye baswiilizi baambe nzila zyabakonda kapati alimwi akaambo ncozyabakondela. Amutondezye citondezyo comwe naa zyobile zikonzya kubelesyegwa cakuzwidilila nomwaabila mabbuku mu February.
Amubakulwaizye basikumwaya boonse ikuti baliyobole kabotu pepa eeli lyamukati alimwi akulibelesya ciindi aciindi mumulimo.
Lwiimbo 28 amupailo wakujala.
Bupanduluzi buyungizidwe
a Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.
b Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.
c Majwi aantalisyo atasiki kuminiti yomwe, mpoonya muzumanane amubandi wakubuzya akwiingula.