Mulongo Wamiswaangano Yamulimo
Nsondo Iitalika mu September 8
Lwiimbo 1
10 min: Zyakwaambilizya zyambungano. Zyakwaambilizya zisalidwe mu Mulimo Wesu Wabwami. Amubakulwaizye boonse kwiinduluka twaambo ntobakalemba mupulogilamu yamuswaangano wabbazu mwaka wamulimo wamana, ikulibambila Muswaangano Wamulimo wamunsondo iitobela. Kwiinda mukubelesya nzila zipedwe apeeji 4, amucite zitondezyo zyobile zikulwaizya ikutondezya mboikonzya kwaabilwa Ngazi Yamulindizi yamu October 1. Mucitondezyo cimwi, amutondezye sicikolo naa muzyali uuli mukukambaukila mwiiyi.
10 min: Amubandike “Ipulogilamu Mpya ya Muswaangano Waalubazu.” Amwaambilizye deeti yamuswaangano waalubazu uutobela akubakulwaizya boonse kuti bakajanike. Ikuti naa kwasyaala buyo myezi misyoonto kuti muswaangano ube, amwaambilizye kuti aabo bayanda kuyoobbapatizyigwa, beelede kuzibya mulangizi weendelezya.
25 min: “Nobakubusi—Amuliyakile Ntalisyo Mbotu Yakumbele.”a Ayelede kukananwa amwaalu, kubelesya mibuzyo iipedwe. Nomubandika muncali 5, amwaambe bubotu alimwi azilongezyo zijanika mumulimo waciindi coonse.
Lwiimbo 27 amupailo wakujala.
Nsondo Iitalika mu September 15
Lwiimbo 17
10 min: Zyakwaambilizya zyambungano. Lipooti yamaakkaunti. Amubandike lipooti yamucisi yamulimo wamumuunda yamu May. Amubalumbaizye alimwi akubakulwaizya mbobanga bayaambele.
10 min: “Ikwiiya Bbuku lya Amukombe Leza.” Makani amulangizi waciiyo cabbuku. Amulange-lange mulongo waziiyo. Nomubandika muncali wane, amubikkilizye atwaambo kuzwa mubbuku lya Cikolo Camulimo apeeji 28 muncali 1 alimwi apeeji 70.
25 min: “Amusyome Muli Jehova Akucita Kabotu.” (Int. 37:3.) Mubandi abaswiilizi uuyeeme amibuzyo eeyi iitobela, iitondezya twaambo tupati-pati kuzwa mupulogilamu yamuswaangano wabbazu yamwaka wamulimo wamana. Amubalombe baswiilizi kuti babikkilizye atwaambo mbobakacikonzya kubelesya twaambo tupati-pati lwabo kubagama naa mukwasyi woonse. Amubandike zibeela zyapulogilamu eezi: (1) “Ikutondezya Lusyomo Muli Jehova.” Ino nkaambo nzi ncociyandika kapati kusyoma muli Jehova mubuumi bwesu boonse? (it-2 p. 521) Ino mbuti Watch Tower Publications Index mboinga yatugwasya? (2) “Amuzicenjelele Zintu Zitayandiki Mubuumi.” (Muk. 2:4-8, 11) Ino milimo nzi iitagwasyi njotweelede kucenjelela, alimwi ino mbuti mbotunga twacita boobo? (3) “Amuzitantamuke Zintu Zibyaabi—Amucite Zintu Zibotu.” Ino nkaambo nzi ncociyandika kutobela zyeelelo zya Jehova? (Is. 5:20) Ino tweelede kujata bubi mumilimo nzi mibotu? (4) “Mbotunga Twazumanana Kusyomeka Kuli Jehova.” Ino ncinzi ciyootugwasya kwiima cakutazungaana notuli mumasunko? Nkaambo nzi ncotuyandika kubikka zintu zimwi mumaanza aa Jehova? (5) “Sena Muyooyelela Kuba mu Bwami bwa Leza?” (Kol. 1:10) Ino zikozyanyo zili zyamu Bbaibbele zitukulwaizya kuzumanana kweenda cakubotezya Jehova? (6) “Amusyome Muzisyomezyo zya Jehova.” Ino mbuti kucita ceeci mbociyoobujatikizya buumi bwesu?
Lwiimbo 11 amupailo wakujala.
Nsondo Iitalika mu September 22
Lwiimbo 2
10 min: Zyakwaambilizya zyambungano. Kwiinda mukubelesya nzila zyamamanino zyobile zili apeeji 4, amucite zitondezyo zyobile mboikonzya kwaabilwa Ngazi Yamulindizi yamu October 1. Citondezyo cimwi ceelede kutondezya muzyali uuli mukugwasya mwana mboimwaigwa magazini.
15 min: Ino Mbuti Mbotwakabeleka Mwaka Wamana? Mulangizi wamulimo weelede kulanga-langa zibeela zipati-pati zyalipooti yambungano yamwaka wamulimo wamu 2003. Amubalumbaizye boonse mumbungano akaambo kamilimo mibotu njobakabeleka. Amubikkilizye atwaambo tuyandika kuzwa mulipooti yamulangizi wabbazu mukuswaya kwainda. Amwaambe mbaakani yomwe naa zyobile izikonzya kuzuzikizyigwa mumwaka uuboola.
20 min: Sena Leza Ulazizumina Zikombelo Zyoonse? Mubandi abaswiilizi kuzwa mubbuku lya Kukambitsirana. Amubandike mbotunga twasalazyanya amuntu kujatikizya kaambo aaka. (rs-CN pp. 83-4) Amwaambe nzila zisyoonto cikombelo cakasimpe mbocikonzya kuzyibwa. (rs-CN pp. 89-91) Mulimo wesu ugwasya bamwi kusala bukombi mbwazumina Leza.—Kol. 1:9, 10.
Lwiimbo 3 amupailo wakujala.
Nsondo Iitalika mu September 29
Lwiimbo 4
10 min: Zyakwaambilizya zyambungano. Amubayeezye basikumwaya kuti bape malipooti aabo amumulimo wamumuunda aamu September. Amwaambe mabbuku aakumwaya mu October. Amucite citondezyo cifwaafwi mbocinga catalisyigwa ciiyo ca Bbaibbele kwiinda mukubelesya broshuwa ya Ncayanda.
15 min: Ziyandika zyambungano.
20 min: “Amulicesye.”b Amubuzye baswiilizi kuti baambe magwalo mbwaanga atugwasya ikuba abube oobu.
Lwiimbo 28 amupailo wakujala.
Nsondo Iitalika mu October 6
Lwiimbo 27
10 min: Zyakwaambilizya zyambungano. Mwezi uuno tulasolekesya kutalisya ziiyo zya Bbaibbele. Mubufwaafwi, amulange-lange Mulimo Wesu Wabwami wamu May 2002 apeeji 1 muncali 1.
15 min: “Amuzibikke Kumbele Izintu Ziyandika Kucitwa Kusaanguna!” Makani amubandi abaswiilizi uyeeme acibalo cizwa mu Ngazi Yamulindizi yamu September 1, 1998 apeeji 19-21. Amwaambe madeeti noziya kucitika zintu zimwi mumbunga yeendelezyegwa a Leza mumyezi iili mbwiibede iiboola, akubakulwaizya boonse kwaalemba amakkalenda aabo. Amubalombe baswiilizi kuti baambe nzyobacita kutegwa batayindwi bubambe bwakumuuya.
20 min: Ikuliyumya Cabusicamba Kukuyungwa Abalongwe. Amubuzye-buzye mwaalu naa mukutausi wakakomezyegwa mumukwasyi wa Bunakristo. Amwaambe twaambo tusalidwe kuzwa mu Ngazi Yamulindizi yamu Chichewa yamu February 15, 2003. Ino mbuyumu-yumu nzi mukwesu mbwaakajana kucikolo? (p. 24 munc. 3; p. 25 munc. 4-5) Sena kuli naakayungwa munzila mbyaabi abambi? (p. 26 munc. 4-6) Sena uciyungwa abeenzinyina mbwali mupati? Ino ncinzi camugwasya kuliyumya kutegwa atayungwi? Mubufwaafwi, amumanizye amakani aazwa mu Ngazi Yamulindizi yamu Chichewa yamu August 1, 1999 apeeji 24-25, ikutondezya mpindu iijanika mukuba abalongwe babotu.
Lwiimbo 21 amupailo wakujala.
Bupanduluzi buyungizidwe
a Majwi aantalisyo aatasiki kuminiti yomwe, mpoonya muzumanane amubandi wakubuzya akwiingula.
b Majwi aantalisyo aatasiki kuminiti yomwe, mpoonya muzumanane amubandi wakubuzya akwiingula.