Mulongo Wamiswaangano Yamulimo

Nsondo Iitalika mu January 12

Lwiimbo 28

10 min: Zyakwaambilizya zyambungano. Zyakwaambilizya zisalidwe mu Mulimo Wesu Wabwami. Kwiinda mukubelesya nzila zyakusaanguna zyobilo zili apeeji 4, amutondezye mbomukonzya kwaabila Ngazi Yamulindizi ya February 1. Camana citondezyo, amwaambe mbazu zyacitondezyo eeco zigwasya.

15 min: “Impindu ya Busongo bwa Leza Yiinda Zyoonse.”a Ikuti ciindi kaciciliko, amubalombe baswiilizi baambe mbwaagwasya magwalo aabikkidwe.

20 min: Mabbuku Mapya Ngotwakabotelwa Kutambula! Mubandi abaswiilizi. Twakakkomana kutambula mabbuku obilo mapya a Muswaangano Wacooko wa “Amumulemeke Leza.” Ibroshuwa lya ‘Atubone Nyika Mbotu’ liliindene amabbuku aambi aali woonse ngotujisi. Ciindi cili coonse nomujalula peeji, muyoojana nzila zimbi mbomweelede kuzibona mbazu zya Nyika Yakasyomezyegwa. Amutondezye twaambo tumwi tuli amamaapu aaindene-indene. Amwaambe nzila zigwasya bbuku eeli mbolikonzya kubelesyegwa. Ibbuku lya Amwiiye ku Mwiiyi Mupati liyakugwasya kusumpula bukkale bwakumuuya bwabana besu. Amwaambe mitwe yamakani yaaciindi ceelede imwi iili mubbuku, mutondezye bazyali abakubusi mbobakonzya kugwasyigwa. Amubalombe baswiilizi kwaamba mbobali mukwaabelesya kabotu mabbuku aaya mapya.

Lwiimbo 23 amupailo wakujala.

Nsondo Iitalika mu January 19

Lwiimbo 13

5 min: Zyakwaambilizya zyambungano.

10 min: Kabbokesi Kamubuzyo. Makani aakananwa amwaalu.

15 min: Ziyandika zyambungano.

15 min: “Mbuti Mbotunga Twabagwasya Balumi Abamakaintu Batali Bakamboni?”b Amubuzye-buzye omwe naa bobilo ibakaba babelesi ba Jehova akaambo kacikozyanyo cibotu cakatondezyegwa amweenzinyina wamulukwatano wakakazumide kale kasimpe.

Lwiimbo 21 amupailo wakujala.

Nsondo Iitalika mu January 26

Lwiimbo 14

12 min: Zyakwaambilizya zyambungano. Lipooti yamaakkaunti. Amubayeezye basikumwaya bape malipooti aabo aamumulimo wamumuunda aa January. Kwiinda mukubelesya nzila zyobilo zyamamanino zipedwe apeeji 4, amutondezye mboikonzya kwaabilwa Ngazi Yamulindizi ya February 1. Mucitondezyo, amutondezye mbomukonzya kwaabila magazini kuli simukobonyoko.

15 min: Amubelesye Jwi lya Leza Mubuumi Bwanu Abuzuba. Makani amubandi abaswiilizi. Amubakulwaizye boonse kukabelesya kabotu kabbuku ka Kulingaula Magwalo Buzubaa Buzuba—2004. Amubandike makani mataanzi aali apeeji 3 kusikila ku 4. Amubuzye baswiilizi baambe ciindi cibotu kuli mbabo nobalingula lugwalo lwabuzuba. Amubandike lugwalo acibalo cabuzuba ambungano. Amubatambe baswiilizi kwaamba mbotukonzya kwaabelesya kabotu makani ngotubala. Amubakulwaizye boonse kulanga-langa mubufwaafwi mbobakonzya kwaabelesya makani ciindi nobabandika cibalo abuzuba.

18 min: Ikubamba Zilongwe Abasyomima. (Tus. 18:24; 27:9) Makani amubandi abaswiilizi kuzwa mu Mulimo Wesu Wabwami wa August 2001 apeeji 1. Cimwi cazilongezyo zyabukombi bwakasimpe ncoolwe cakubamba zilongwe zini-zini. Kuyanzana kwesu amiswaangano, mumulimo wamumuunda aziindi zimwi kutupa kukulwaizyigwa. Ino inga tulabamba buti zilongwe abamwi mumbungano? Amwiinduluke twaambo tupati-pati mucibalo cakuti “Luyando Lwanu Lwabunyina Aluzumanane” (w97-CG 8/1 pp. 26-31) alimwi amutubandike abaswiilizi.

Lwiimbo 7 amupailo wakujala.

Nsondo Iitalika mu February 2

Lwiimbo 25

10 min: Zyakwaambilizya zyambungano. Amwaambe mabbuku aakumwaya mu February. Amulingaule nzila zyambomukonzya kumwaya bbuku lya Amubaa Cilongwe a Jehova mu Mulimo Wesu Wabwami wa January 2003, apeeji 3.

20 min: “Ikucibelesya Camaanu Ciindi Ncotujisi.”c Amubatambe baswiilizi baambe ncobacita kutegwa zintu zitayandiki zitanyonganyi zintu zyakumuuya.

15 min: Amwiiye Paulo Mbubwenya Walo Mbwaakaiya Kristo. (1 Kor. 11:1) Mubandi abaswiilizi. Mbubwenya mbuli Jesu, Paulo wakacibona kuba coolwe kukambaukila ‘bantu mbaakali kuswaana.’ (Inc. 17:17) Nzyoolwe zili buti ziliko zyakucita boobo mucilawo cesu? Mbaani ‘mbotuswaana’ ciindi notuunka kukuula zintu, notuli kumilimo naa kucikolo anotukkwela mumyootokala yakubuleya? Nguni ngotunga twayaanya notuli aŋanda? Amubalombe baswiilizi baambe zyakabacitikila nobakali kukambaukila bantu mbobakayaanya mumilimo yabuzubaa buzuba.

Lwiimbo 18 amupailo wakujala.

Bupanduluzi buyungizidwe