Mulongo Wa Miswaangano Ya Mulimo

Nsondo Iitalika mu September 11

Lwiimbo 20

10 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu wa Bwami. Amubakulwaizye boonse kweebelela vidiyo ya Young People Ask—How Can I Make Real Friends? mukulibambila mubandi uuyoocitwa lya Muswaangano wa Mulimo wansondo ya September 25. Ooko vidiyo nkoitako, amubakulwaizye boonse kwiinduluka ciiyo 44 cabbuku lya Amwiiye ku Mwiiyi Mupati. Kubelesya nzila zili apeeji 4 naa nzila zimwi zigwasya mucilawo canu, amutondezye mboikonzya kwaabilwa Ngazi Yamulindizi ya October 1 alimwi a Awake! ya September. Mucitondezyo cimwi, amutondezye mbotukonzya kumwiingula cabupampu sikutyompya mubandi waamba kuti “Ndijisi cikombelo nkondikomba.”—Amubone bbuku lya Kukambitsirana, pp. 18-19.

20 min: Kugwasyigwa a Muswaangano wa Mulimo alimwi a Cikolo Camulimo Weendelezyegwa a Leza. Makani amubandi abaswiilizi kuzwa mubbuku lya Bakamantene Mukucita Kuyanda kwa Jehova, kutalikila akatwe kamakani kali apeeji 64 kuyoosika kukatwe kamakani kali apeeji 69.

15 min: Lugwalo Luzwa ku Mutabi. Makani amubandi abaswiilizi kuzwa kulugwalo luli apeeji lyakusaanguna lya Mulimo Wesu wa Bwami uuno. Amubikkilizye atwaambo kuzwa ku Kabbokesi Kamubuzyo kali mu Mulimo Wesu wa Bwami wa January 2005.

Lwiimbo 126 amupailo wakujala.

Nsondo Iitalika mu September 18

Lwiimbo 213

5 min: Zyakwaambilizya zyambungano.

15 min: Ino Twakabeleka Buti Mwaka Wamana? Mulangizi wamulimo walanga-langa mulimo wamwaka wamulimo wamana, kabikkilide maanu kuzintu zikulwaizya izyakacitwa mumulimo. Amubalumbaizye. Amwaambe mbazu yomwe naa zyobile zyamulimo wambungano imuyandika kuyoobikkila maanu mwaka uuboola. Amwaambe mbobakabeleka bapainiya, akubalumbaizya akaambo kakubeleka kwabo cabusungu. Amwaambe bubotu bwakajanwa mukusoleka kugwasya baabo ibatacisungweede.

25 min: “Mulimo Waalubazu October 16–November 12!” Mubandi uukulwaizya ukananwe amwaalu. Mwamana kubala cakwaambilizya cili mulugwalo lwakalembelwa kabunga kabaalu lwamu July 6, 2006, amwaabile katulakiti ka Makani aa Bwami Na. 37 kumuntu aumwi wajanika. Mpoonya amuzumanane amubandi wakubuzya akwiingula wacibalo eeci. Amwaambe bubambe bubambidwe mumbungano bwakucibeleka cilawo coonse. Amubakulwaizye basikumwaya boonse kutola lubazu kusikila mpobakonzya mulimo ooyu. Amucite citondezyo cifwaafwi.

Lwiimbo 50 amupailo wakujala.

Nsondo Iitalika mu September 25

Lwiimbo 94

10 min: Zyakwaambilizya zyambungano. Amubale lipooti yankomwi yamali alugwalo lutondezya kuti mali aakasangwa akatambulwa. Amubayeezye basikumwaya kuti bape malipooti aamulimo wamumuunda aamu September. Kubelesya nzila zili apeeji 4 naa nzila zimwi zigwasya mucilawo canu, amutondezye mboikonzya kwaabilwa Ngazi Yamulindizi ya October 1 naa Awake! ya October nomucita bukambausi bwamumugwagwa.

25 min: “Ividiyo Yeelede Kuyeeyesya.”a Nomubandika muncali 1, amubalombe bali mumbungano kwaamba mubufwaafwi mbobalimvwa aumwi kumugama kujatikizya vidiyo ya Young People Ask—How Can I Make Real Friends? Mpoonya amutalike mubandi wamubuzyo aumwi uuli mumincali 2-7. Ooko vidiyo nkoitako, amube amubandi abaswiilizi wacibalo 44 cabbuku lya Amwiiye ku Mwiiyi Mupati. Kumamanino, amwiikulwaizye alimwi mikwasyi kweebelela antoomwe vidiyo iili a DVD mumazuba masyoonto aali kumbele iijisi mutwe wakuti Young People Ask—What Will I Do With My Life?

10 min: Zyakuluula zyambungano. Amubalombe baswiilizi kwaamba zyakuluula zyakabacitikila nobakali kwaabila Awake! yaalubazu naa nobakali kutalisya ziiyo zya Bbaibbele mukuswaya kwakusaanguna kwiinda mukubelesya bbuku lya Bbaibbele Ncoliyiisya. Cakuluula comwe naa zyobile zikulwaizya inga zyaindulukwa.

Lwiimbo 183 amupailo wakujala.

Nsondo Iitalika mu October 2

Lwiimbo 36

10 min: Zyakwaambilizya zyambungano. Amulange-lange Kabbokesi Kamubuzyo.

15 min: Ziyandika zyambungano.

20 min: “Kukambauka Kuŋanda Aŋanda.”b Ikuti ciindi kaciciliko, amubalombe baswiilizi kupandulula magwalo aabikkidwe.

Lwiimbo 127 amupailo wakujala.

Bupanduluzi buyungizidwe