Nzyomweelede Kwaamba Kujatikizya Mamagazini

Ngazi Yamulindizi Feb. 1

“Imagwalo alimwi amakani aaciindi ayubununa kasimpe kujatikizya bupati bwa Leza. Ino bupati bwakwe bweelede kutujatikizya buti iswe? [Amulindile bwiinguzi.] Amubone mulugwalo oolu umwi wakali mwami mbwaakalemeka Leza. [Amubale Intembauzyo 8:3, 4.] Nokuba kuti wakacita zintu zinji, Mwami Davida wakali kuzyi kulezya kwamuntu. Mulakonzya kubala zinji zyabupati bwa Leza bugambya mumagazini eeyi ya Ngazi Yamulindizi.”

Ngazi Yamulindizi Feb. 1

“Ikupaila ncintu bantu banji mazubaano ncobacita lyoonse. Nokuba kuti bantu kwaciindi cilamfwu bali kupaila Leza, sena muyeeya kuti kulayandika kwiiya mbokupailwa? [Amulindile bwiinguzi, mpoona amubale Luka 11:1.] Magazini eeyi ya Ngazi Yamulindizi ibandika kaambo basikwiiya ncobakalombela boobu alimwi aziiyo nzyotukonzya kwiiya kumipailo ya Jesu.”

Ngazi Yamulindizi Feb. 1

“Mumasi manji, kubula milimo alimwi akudula kwazintu zipa kulibilika. Masimpe, tweelede kujanina mikwasyi yesu zyakulya, zyakusama alimwi aakukkala. Sena muyeeya kuti kuli ntenda iliko ikuti kulibilikila zintu eezyi kwalekelwa kweendelezya kuyeeya kwesu? [Amulindile bwiinguzi. Mpoona amubale Matayo 6:31, 33.] Eeyi magazini ilapandulula ncotweelede kusyoma kuti Leza uyootupa nzyotuyandika ncobeni.”

Ngazi Yamulindizi Feb. 1

“Kwaba kucinca kunji munyika eeyi mutwaambo twacisi, mubukombi alimwi amumakani aamali. Ino tweelede kujatikizyigwa buti aluzibo lwakuti bweende bwazintu bwamunyika yoonse mboizulwa bulindila lunyonyooko? [Amulindile bwiinguzi.] Imwaapostolo Paulo wakalemba zyeezyi kutegwa tugwasyigwe. [Amubale 2 Petro 3:11.] Eeyi magazini ya Ngazi Yamulindizi ipandulula cijatikizyidwe mukweenda munzila iisalala amukulemeka Leza.”