Sena Bakamboni ba Jehova Ncikombelo Caku America?

Maofesi eesu mapati ali ku United States of America. Pele cikombelo cesu tacili caku America akaambo katwaambo tutobela:

• Bakamboni ba Jehova tiibakazwa kubukombi bumbi bwa Kristendomu. Muciindi caboobo, tulimvwa kuti twapilusya Bunakristo bwakali kucitwa mumwaanda wamyaka wakusaanguna.

• Bakamboni ba Jehova mbasungu mumulimo wabo muzisi ziinda ku 230. Kufwumbwa nkotubede tupa bulemu kuli Jehova Leza alimwi a Jesu Kristo, ikutali kumfwulumende yaku U.S. naa mfwulumende iimbi yabantu.—Johane 15:19; 17:15, 16.

• Njiisyo zyesu zyoonse ziyeeme aa Bbaibbele, ikutali azyintu nzyobakalemba basololi bazikombelo baku United States.—1 Batesalonika 2:13.

• Tutobela Jesu Kristo, kutali muntu uusololela uuliwoonse.—Matayo 23:8-10.