Mumuni Wangunguuni

KABEELA kangunguuni kamweka kalivwumbidwe atukwa tupa kuti mumuni uuzwa kaumwekesya.a

Amubone kaambo aaka: Basikuvwuntauzya bajana kuti tukwa tusyoonto tuli kucibuno camusyobo umwi wangunguuni tulipetedwe-petedwe mbuli matailosi aakuvwumbya ŋanda. Tukwa ootu inga tulisendekede asyoonto. Kusendeka asyoonto ooku kupa kuti mumuni uuzwa kucibuno cangunguuni kaumweka kapati a 50 pesenti kwiinda mbowali kunoomweka ikuti nokatalijisi tukwa.

Sena eeci inga cagwasya kuyungizya mumuni watuncini tubelesya magesi? Kutegwa tuzyibe, basayansi bakapeta-peta tubeela-beela twatuncini ootu mbubwenya mbuli cibuno cangunguuni mbocibede. Ino ncinzi cakacitika? Tubeela ootu twakayungizya mumuni wantuto a 55 pesenti. Syaazibwene Annick Bay, wakaamba kuti: “Cipati ncotwiiya mumakani aaya ncakuti, zinji zintu nzyotukonzya kwiiya kwiinda mukulangilila zilenge.”

Ino muyeeya buti? Sena mumuni wangunguuni wakaba akaambo kakusanduka kwazintu naa wakalengwa buya?