Josué
12 Mapakgsinanin tiku israelitas kamakgatlajakgolh chu tiku kamakglhtikgolh xtiyatkan kxʼeste Jordán, lata kxakaxtum Arnón asta ksipi Hermón chu putum Arabá asta kʼeste, wa umakgolh. 2 Sehón xmapakgsinakan amorreos, tiku xlama kʼHesbón chu xmapakgsinan kkachikinin nema xwilakgolh lata kʼAroer, nema xwi kxkilhpan niku xkisputa xakaxtum Arnón, chu lata kxlakʼitat xakaxtum, kxʼitat Galaad, asta kxakaxtum Jaboc, niku xtatapakgta xkachikinkan ammonitas. 3 Na xmapakgsinan kʼArabá asta kpupunu Kinéret* pakganacha kʼeste chu asta kpupunu Arabá, xaSkgokgo pupunu,* pakganacha kʼeste niku lakankan kBet-Jesimot, chu pakganacha ksur lakatsu kxlakpanin sipi xalak Pisgá.
4 Nachuna, xwi niku xmapakgsinan mapakgsina Og xalak Basán, tiku xlitaxtu chatum refaím tiku na xlakgtaxtunit chu xlama kʼAstarot chu kʼEdréi. 5 Niku xmapakgsinan xkichan lata ksipi Hermón, Salecá chu putum Basán asta niku xtatapakgta xkachikinin guesuritas chu maacatitas, chu nachuna itat xtiyat Galaad asta niku xmapakgsinan mapakgsina Sehón xalak Hesbón.
6 Moisés, kskujni Jehová, chu israelitas kamakgatlajakgolh, alistalh Moisés, kskujni Jehová, kamakamaxkilh umakgolh tiyat rubenitas, gaditas chu itat xtribu Manasés xlakata xkatapakgsinilh.
7 Wa umakgolh mapakgsinanin tiku Josué chu israelitas kamakgatlajakgolh kxʼoeste Jordán, lata kBaal-Gad, nema wi kxakaxtum Líbano, chu asta ksipi Halac, nema wi lakatsu kSeír, chu alistalh kamaxkilh umakgolh tiyat tribus xalak Israel xlakata xkatapakgsinilh chuna la xkalakgchan akgatunu tribu, 8 kkasipijni, kSefelá, kʼArabá, kxlakpanin kasipijni, kxakaskakni tiyat chu kNégueb, uma wamputun, kxkachikinin hititas, amorreos, cananeos, perizitas, heveos chu jebuseos:
9 mapakgsina xalak Jericó, chatum; mapakgsina xalak Hai, nema xwi kxpaxtun Betel, chatum;
10 mapakgsina xalak Jerusalén, chatum; mapakgsina xalak Hebrón, chatum;
11 mapakgsina xalak Jarmut, chatum; mapakgsina xalak Lakís, chatum;
12 mapakgsina xalak Eglón, chatum; mapakgsina xalak Guézer, chatum;
13 mapakgsina xalak Debir, chatum; mapakgsina xalak Guéder chatum;
14 mapakgsina xalak Hormá, chatum; mapakgsina xalak Arad, chatum;
15 mapakgsina xalak Libná, chatum; mapakgsina xalak Adulam, chatum;
16 mapakgsina xalak Maquedá, chatum; mapakgsina xalak Betel, chatum;
17 mapakgsina xalak Tapúah, chatum; mapakgsina xalak Héfer, chatum;
18 mapakgsina xalak Afec, chatum; mapakgsina xalak Lasarón, chatum;
19 mapakgsina xalak Madón, chatum; mapakgsina xalak Hazor, chatum;
20 mapakgsina xalak Simrón-Merón, chatum; mapakgsina xalak Acsaf, chatum;
21 mapakgsina xalak Taanac, chatum; mapakgsina xalak Meguidó, chatum;
22 mapakgsina xalak Quedes, chatum; mapakgsina xalak Jocneam, anta kCarmelo, chatum;
23 mapakgsina xalak Dor, anta kxlakpanin kasipijni xalak Dor, chatum; mapakgsina xalak Goyim, anta kʼGuilgal, chatum;
24 mapakgsina xalak Tirzá, chatum; xliputum litakgatsikgo puxamakawitu mapakgsinanin.