Xlimaktum Samuel

29 Filisteos kamamakxtumikgolh ksoldadoskan kʼAfec, chu israelitas xtamakgxtakgkgonit lakatsu ktaxtunu xalak Jezreel. 2 Xmapakgsinaninkan filisteos akxtum xkataʼankgo ksoldadoskan grupos xla akgtum ciento chu xaʼakgtum mil. Chu David chu ksoldados akxtum xtaʼankgo Akís. 3 Pero xpuxkukan filisteos kgalhskininankgolh: «¿Tuku tlawamakgolh unu umakgolh hebreos?». Akís kakgalhtilh: «Xla David, kskujni Saúl xalak Israel. Liwaka akgtum kata lata kiskujnanima. Chu lata akxni taxtucha chu akxtum kintalalh, ni kakxilhnit tuku nitlan xpalakata». 4 Pero xpuxkukan filisteos sitsinikgolh Akís chu wanikgolh: «Kawani uma chixku pi kataspitli. Kataspitli niku maxkinita tuku lakgchan. Ni kamasta talakaskin akxtum nakinkataʼanan ktatalachipat, xlakata ni natlawa pi akinin nakinkatalatlawayan. Max xlakata tlan naʼakxilhpara Saúl, nakamakgni kisoldadoskan. 5 ¿Ni wa uma David tiku xwanimaka akxni xkilhtlitilhamaka chu xtantlitilhamaka:

6 Wa xlakata Akís tasanilh David chu wanilh: «Kmalaknuniyan kxtukuwani Jehová, xastakna Dios, akit kliʼakxilhan chatum chixku tiku xaʼakgstitum chu lu klipaxuwa pi akxtum xkatapi kisoldados ktatalachipat, xlakata akit ni kkakxilhnit tuku nitlan mimpalakata lata akxni tsuku kintaskuja. Pero amakgapitsi mapakgsinanin ni lipawankgoyan. 7 Wa xlakata kataspitti chu nitu kalilakgaputsa, ni katlawa tuku nakamakgasitsi xmapakgsinakan filisteos». 8 Pero David wanilh Akís: «¿Tuku ktlawanit? Lata akxni akxtum ktalan, ¿tekgsninita tuku nitlan uma miskujni? Kimapakgsina tiku lhuwa kakni kgalhi, ¿tuku xlakata nila ktaʼanan xlakata nakatalatlawayaw mintalatlawananin?». 9 Akís kgalhtilh David: «Akit klakpuwan pi wix tlan likatsinita chuna la chatum xʼángel Dios. Pero xpuxkukan filisteos wankgolh “Ni kamasta talakaskin pi akxtum nakinkataʼanan ktatalachipat”. 10 Wa xlakata chali tsisa sokg katakitit wix chu xlakskujnin mimalana tiku akxtum taminkgonitan, chu akxni xkgakgamaja kataspittit».

11 Wa xlakata David chu ksoldados sokg takikgolh xlakata nataspitkgo kxtiyatkan filisteos, chu filisteos talakakxtukgolh kJezreel.