Takgalhkgalhin xla talakastakwanat

Chatum científico tiku tasiyalh kʼatanu artículo akxilhma xfoto tamakgaxtokgat nema tasiyalh kxapulana artículo

Nila tiku tsalani linin. Pero ¿kgalhikgo takgalhkgalhin tiku nikgonita? ¿Nialh kalakapastakkan tiku nikgonita? ¿Namin kilhtamaku tlan nalatamaparakgo?

KALILAKPUWANTI TUKU WAN BIBLIA

DIOS KALAKAPASTAKA TIKU NIKGONITA

«Xlipaks nti aknukgoy, [...] natakxtupalakgoy» (Juan 5:28, 29).

Dios kalakapastaka tiku nikgonita. Latamanin tiku wilakgo kxtalakapastakni nalatamaparakgo.

TIKU NIKGONITA NALAKASTAKWANANKGO KKATIYATNI

«Nalakastakwanankgoy ninin wa nti xalakwan, chu nti ni xalakwan» (Hechos 24:15).

Lhuwa latamanin nalakastakwanankgo chu tlan nalatamakgo putum kilhtamaku niku naʼanan takaksni.

TLAN NALIPAWANAW TALAKASTAKWANAT

Dios «katsi nikula akglit staku tawilana nak akgapun, akgatunu kalimapakuwi ixtukuwinikan» (Salmo 147:4, SXP).

Komo Dios tlan kalimapakuwi xtukuwani akgatunu staku, tlan kalakapastaka tiku nakamalakastakwani.