Natalakgpali la tatlawa kxitat semana kintamakxtumitkan

Semana 3 xla septiembre, Takgalhtawakga nema takilhtinit kBiblia kCongregación nialh puxamakitsis minuto katimakgapalalh wata puxamakaw minuto. Wantiku namatitaxti pulana kalichuwinalh akgtum minuto tuku talichuwinalh semana nema titaxtulh. Nachuna Tamakxtumit xlakata xTaskujut Dios nialh puxamakukitsis minutos katimakgapalalh wata puxamakaw minuto namakgapala. Chu nialh katiʼanalh nema wanikan tamakatsin. Komo natalakaskin natamasta tamakatsinin nema lu xlakaskinka natamasta akxni natsuku Tamakxtumit xlakata xTaskujut Dios. Kaj lakgachunin natamasta tamakatsin, xlakata nialh katiwanka tuku natamatitaxti ktamakxtumit. Nialh katiwanka tuku hora natamakxtumikan akxni naʼankan lichuwinankan Dios chu ni katiwanka tiku lakgchan aseo. Nachuna nialh katiwanka komo wi tiku makamilh tamakgachipat (km 10/08 pág. 1 párr. 4). Komo lu makgas naliwankan akgtum tamakatsin, lu tlan komo tunkun nakamakatsinikan amakgapitsin tiku na namatitaxtikgo xtaʼakgchuwinkan xlakata namaktsuwikgo.