La makgtayanan xlakata anan grupos nema lichuwinankgo Dios
1. ¿La na nakinkamakgtayayan grupos nema anan akxni lichuwinankan Dios chuna la xkinkamakgtayayan tamakxtumit niku xTalikgalhtawakga Maktum Libro?
1 ¿Wi tuku lakapastaka xlakata tamakxtumit niku xTalikgalhtawakga Maktum Libro? Lu tlan xtamakgkatsi kʼuma tamakxtumit xlakata ni lhuwa tiku xʼankgo, chu lakapala tlan xkatalalipina (Prov. 18:24). Tiku xpulalin uma tamakxtumit, kuenta xtlawa tuku xtitaxtuyaw chu xkinkamaxkiyan tamakgtay nema xmaklakaskinaw (Prov. 27:23; 1 Ped. 5:2, 3). Pero, chuntiya tlan nakinkamakgtayayan grupos nema anan akxni lichuwinankan Dios.
2. ¿Tuku natlawaya xlakata tlakg lhuwa tiku nakatalalipina kgrupo nema lakgchanan?
2 Wix pulana katlawa. Grupos nema anan akxni lichuwinankan Dios nachuna xlilanka la tamakxtumit niku xTalikgalhtawakga Maktum Libro. Akxni «limakaxtum» kalitachuwinanaw Dios natalan, tlawa pi tlan nalatalalinaw (Filip. 1:27). ¿Kmigrupo la xlilhuwa katataxtunita akxni lichuwinankan Dios? ¿Tlan xwa komo putum xkatataxtu? (2 Cor. 6:13.) Na tlan xkawani natalan tiku ankgo kmigrupo pi xʼankgolh wayankgo kminchik o akxni kakninaniya Dios kfamilia. Kmakgapitsi congregaciones, grupos nema anan akxni lichuwinankan Dios lakkaxwilikgo tiku namawi tiku akgchuwinan ktamakxtumit. Akxni lakgchan akgtum grupo, tamakxtumikgo xlakata akxtum natawilakgo maski tiku akgchuwinalh ni natamakgxtakga.
3. ¿La kinkamakgtayakanan kʼgrupos nema tlawakan xlakata nalichuwinankan Dios?
3 Maski la uku congregaciones kaj makgtiy tamakxtumikgo akgatunu semana ni wamputun pi tiku lichuwinankgo Dios lakgkgolotsin nialhla nakamakgtayakgo. Tiku pulalin grupo talakaskin nakamatliwakglha natalan, nakamakgtaya chatunu chatunu chu nakamasiyani la nalichuwinankgo Dios. Komo tiku pulalin migrupo nila tataxtuyan akxni lichuwinankan Dios, ¿tuku xlakata ni waniya pi katataxtun? Nachuna, akgtum sábado chu domingo akgatunu papaʼ tiku pulalin xtaskujut Dios kcongregación lakgapaxialhnan akgtum grupo. Niku ni lanka congregación max makgtiy akgtum kata nakalakgapaxialhnan akgatunu grupo. ¿Lakkaxwiliya nalichuwinana Dios akxni tiku pulalin xtaskujut Dios kcongregación lakgapaxialhnan migrupo?
4. 1) ¿La nalakkaxwilikan tamakxtumit akxni ankan lichuwinankan Dios? 2) ¿Tuku xlakata nalakpuwanaw namasakwaninanaw kinchikkan xlakata natlawakan uma tamakxtumit?
4 Xlakata grupos tanu tanu niku lichuwinankgo Dios lu makgtayanan. Pulana, akxni tanu tanu niku tamakxtumikan chu kgalhikan watiya hora makgtayanan xlakata tiku nataxtukgo tlan nachankgo niku tamakxtumikan chu naʼankgo niku nalichuwinankan Dios. Na ni lu tuwa lakkaxwilikan tiku nalataʼan lichuwinankgo Dios natalan chu tlakg lakapala nataxtukan. Chu xaʼawatiya tiku pulalin grupo tlakg tlan kuenta nakatlawa natalan tiku kalakgayawakanit. Maski chuna, namin kilhtamaku tlan namamakxtumikan akgtiy o tlakg lhuwa grupos. Komo putum congregación makxtum nalichuwinankgo Dios xapulana sábado akgatunu papaʼ o akxni nasputa tamakxtumit xla Makatsinina, tlan nawan komo tiku lichuwinan Dios xgrupo nakatatawila chu tiku kapulalin nalakkaxwili akxni nina tlawakan oración xlakata nataxtukan. (Kaʼakxilhti recuadro «¿Tlan namasakwaninana minchik?».)
5. Maski tamakxtumit niku xTalikgalhtawakga Maktum Libro nialh anan, ¿tuku liwana kilikatsitkan?
5 Maski tamakxtumit niku xTalikgalhtawakga Maktum Libro nialh anan, Jehová chuntiya kinkamaxkiman tuku maklakaskinaw xlakata natlawayaw xtalakaskin (Heb. 13:20, 21). Xla natlawa pi nitu nakinkatsankganiyan (Sal. 23:1). Grupos nema tlawakan akxni lichuwinankan Dios lhuwa tasikulunalin liminkgo. Wa xlakata akinin pulana katlawaw tuku talakaskin, chu kalakapastakwi «wanti lanka chananan lhuwa makgalananan» (2 Cor. 9:6, Xasasti Talacaxlan, xalak Coyutla).
[Recuadro xla página 6]
¿Tlan namasakwaninana minchik?
Makgapitsi congregaciones akxtum kawilikgo grupos xlakata ni kgalhikgo niku natlawakan tamakxtumit xlakata naʼankgo lichuwinankgo Dios sábado chu domingo. Tamakxtumit xlakata naʼankan lichuwinankan Dios na makgtanu tuku masiyakan kcongregación, wa xlakata akgtum lanka tasikulunalin natlawakan kkinchikkan. ¿Tlan namasakwaninana minchik? Maski ni lu lanka chu ni lhuwa tuku kgalhiya wix kamasakwaninanti. Tuku lakgkgolotsin naʼakxilkgo wa niku wi chu atanu nema xʼakxilhkgo akxni xlaksakkan chiki niku xtlawakan tamakxtumit niku xTalikgalhtawakga Maktum Libro. Komo masakwaninamputuna minchik kawani tiku pulalin mi grupo.