«Nakmakglhtiyan milikgalhtawakga komo wix nakimakglhtiya kila»
Makgapitsi latamanin ni kinkamakglhtikgoyan kilikgalhtawakgakan komo akinin ni makgamakglhtinanaw xlikgalhtawakgakan. Ni makglhtinanaw xlakata xlikgalhtawakgakan nema mastakgo lichuwinan tuku ni xaxlikana, nitlan komo namakgamakglhtinanaw. ¿La nakgalhtinanaw? (Rom. 1:25.) Tlan la uma nawanaw: «Paxtikatsinilh, pero ¿tuku lichuwinan mi likgalhtawakga? ¿Lichuwinan xlakata la natalakkaxtlawa taʼakglhuwit nema kgalhikgo latamanin? [Kamaxki talakaskin nakgalhtiyan. Komo nawaniyan pi kalikgalhtawakga xlakata nakatsiya xtakgalhtin, kamalakapastaka pi wix pulana wani tuku lichuwinan chu alistalh wani pi kalikgalhtawakgalh. Alistalh kalikgalhtawakgani Mateo 6:9, 10.] Chuna la masiya umakgolh versículos, Jesús masiyalh pi wa xTamapakgsin Dios namakgantaxti xtalakaskin Dios kKatiyatni. Wa xlakata, akit klikgalhtawakga nema lu xlakaskinka akxilha chu lichuwinan xtamapakgsin Dios. ¿Tlan nakmasiyaniyan kBiblia makgapitsi tuku natlawa uma tamapakgsin?».