Kawaniw tuku xlakata kalakgamaw

Tiku kalakgamaw kxchik, max nalakpuwan tiku ama lataman chu tuku xlakata anta lama. Xlakata nakatsikgo, makgapitsi tiku lichuwinankgo Dios tunkun wankgo tuku xlakata lakgama. Akxni makgachipanita lataman, wani la uma: «Kmasiyama la likgalhtawakgakan Biblia chu ni taxokgo» o «Klakgmiman xlakata klitachuwinamputunan akgtum taʼakglhuwit nema kinkamakgalipuwanan: xlakata tiku katlawanikgo tuku nitlan amakgapitsin», alistalh tlawani akgtum takgalhskinin. Akxni tiku tachiwinamakaja katsiya tuku xlakata lakgamaka, max nakgaxmatputun uma tamakatsin.