Tlakg kakatsini la nalichuwinana Dios: kamasta libro ¿Tuku xlikana masiyay Biblia?
Tuku xlakata xlakaskinka. Libro ¿Tuku xlikana masiya Biblia? wa nema tlakg maklakaskinaw akxni anaw lichuwinanaw Dios. Pero komo maklakaskimputunaw xlakata nakalimakgalhtawakgayaw amakgapitsin, pulana talakaskin nakamakgxtakgniyaw latamanin. Wa xlakata, lu xlakaskinka naliskujaw xlakata liwana nalimaklakaskinaw akxni lichuwinanaw Dios (Prov. 22:29). Pulaklhuwa la tlan tlawayaw, wa xlakata tlan nalaksakaw nema tlakg tlan nalimaklakaskinaw niku lichuwinanaw Dios.
Chuna kalitsakgsa putum papa’:
Kalitsakgsa la natlawaya akxni nakakninaniya Dios kfamilia.
Akxni wi tiku natapina lichuwinana Dios, kawani tuku lakkaxwilinita nawana (Prov. 27:17). Komo akxilha pi ni tlan kitaxtu, kalakgpali.