Akgtum tasikulunalin makgtlawakan chu kuentajtlawakan niku tamakxtumiyaw

Akxni tlawaka templo kʼIsrael lhuwa liskujka chu lhuwa tumin tamaklakaskilh, israelitas xatapaxuwan makgtayanankgolh (1Cr 29:2-9; 2Cr 6:7, 8). Alistalh, chuna la israelitas xkuentajtlawakgo templo xlimasiya la xwi xtakanajlakan (2Re 22:3-6; 2Cr 28:24; 29:3). La uku, kstalaninanin Cristo limaxtuyaw lhuwa kilhtamaku chu litliwakga xlakata natlawa, natakaxaka chu natakaxtlawa tuku talakaskin kPukgalhtawakga chu Salones de Asamblea. Putum uma na likakninanikan Jehová. ¿Ni xlikana pi uma lu xlakaskinka? (Sl 127:1; Ap 7:15).

¿LA TLAN NAMAKGTAYANANAW?

• 

  Liwana nakakaxwiliyaw akxni nasputa tamakxtumit. Kamakaki niku xwila.

• 

  Lu xlakaskinka namakgtayananaw natakaxaka chu natakaxtlawa tuku talakaskin kPukgalhtawakga. Komo lhuwa makgtayanankgo tlakg lakapala chu xatapaxuwan tatlawa taskujut (lv pág. 107 párr. 18).

• 

  Tlan xatapaxuwan namastayaw tumin. Jehová paxtikatsini tuku xatapaxuwan mastayaw, maski «okgxtuy tumin» nema ni lhuwa xtapalh kgalhi (Mr 12:41-44).

• 

  Komo matlaniyaw, tlan namakgtayananaw natlawakan o nakaxtlawakan niku kakninaniyaw Jehová. Ni talakaskin nakatsiyaw natlawayaw chiki xlakata namakgtayananaw.