Job tiku ni xmakgxtakga Dios wan tuku lilakgaputsa

Maski Job xtalimaxkgenit, lu xlipuwama chu lu xtatatla, ni xmakgatsankganani Dios. Wa xlakata Satanás tlakg maxlajwaniputulh xlakata xmakgatsankgananilh Dios. Lakgankgolh kgalhtutu xcompañeros nema xtasiya pi lu xlilakgaputsakgo Job, pero akgtujun kilhtamaku kaks xtawilakgo chu nitu limatliwekglhkgolh. Alistalh wanikgolh tuku nitlan limamakgkatsinikgolh.

Job ni makgatsankgananilh Jehová maski lu nitlan tuku titaxtulh

6:3; 7:16; 9:20-22; 10:1, 12

• Job lu patinalh asta lu nitlan la lakpuwa. Akgtum liʼakxilhtit, lakpuwa pi Dios ni kuenta xtlawa komo xkgalhakgaxmatli o ni.

• Xlakata nialh xkatsi tuku xtlawa ni lakpuwa pi atanu tuku xtlawama pi xpatinalh.

• Maski Job lu xlakgaputsama, kawanilh tiku xlimawakamakgo tuku nitlan la xlilhuwa xpaxki Jehová.