Tlakg kakatsini la nalichuwinana Dios: Kamaklakaskiw videos xlakata namasiyayaw xaxlikana

TUKU XLAKATA LU XLAKASKINKA:

Videos tlakg kalakgchan xnaku latamanin xlakata akxilhkgo chu kgaxmatkgo. Tlakg kuentajtlawa lataman chu maski makgas lakapastakaku. Jehová kinkawilininitan xatlan liʼakxilhtit akxni wi tuku maklakaskin xlakata nakinkamasiyaniyan (Hch 10:9-16; Ap 1:1).

Videos ¿Kgalhi xtukuwani Dios?, ¿Tiku matsokgninalh tuku wi kBiblia? chu ¿Tuku xlakata lipawanaw pi xlikana tuku wan Biblia? wa tatakgatsi takgalhtawakga 2 chu 3 xla folleto Lakwan tamakatsin masta Dios. Videos ¿Tuku xlakata nalikgalhtawakgaya Biblia?, ¿Tuku tatlawa kʼakgtum takgalhtawakga xalak Biblia? chu ¿Tuku tatlawa kPukgalhtawakga? nakamakgtaya latamanin nakinkatakgalhtawakgaputunan chu naʼamputunkgo ktamakxtumit. Makgapitsi videos chu películas tlan namasiyaya akxni limakgalhtawakgenampat Biblia (km 5/13 pág. 3).

LA NATLAWAYA:

• Kamakti video nema masiyaniputuna.

• Kalakkaxwili akgtum o akgtiy takgalhskinin nema natlawaniya chu anta kvideo natakgalhti.

• Akxtum kaʼakxilhtit video.

• Kalichuwinantit tuku tlakg xlakaskinka.

KALITSAKGSA UMA:

• Kamasiyani xaʼawatiya página xla tratados chu kamasiyani código nema linan kvideo ¿Tuku xlakata nalikgalhtawakgaya Biblia?

• Kamasiya video ¿Tuku xlakata lipawanaw pi xlikana tuku wan Biblia? chu kamalaknuni folleto Lakwan tamakatsin masta Dios. Kalichuwinanti takgalhtawakga 3.