Xasasti video xlakata nalimatsukikan takgalhtawakga xalak Biblia
Lhuwata latamanin akxilhkgonit video ¿Tuku xlakata nalikgalhtawakgaya Biblia? anta kʼjw.org/jw-tot. Tlawakanit xlakata nakamakgtaya latamanin namakgamakglhtinankgo takgalhtawakga xalak Biblia. Tlan akxilhkan komo napitaniya niku wan «Kaskinti namakgalhtawakgekana», tutsu niku wi página niku tsuku, o kaescaneartlawa código QR (código nema lakapala maxtu página) nema limin xaʼawatiya página xalaksasti tratados. Uku nalichuwinanaw la namaklakaskinaw video:
Akxni natlawayaw revisita, tlan nawanaw: «¿Kimaxkiya talakaskin nakmasiyaniyan akgtum video nema kinkamaxkiyan takgalhtin xlakata Biblia?». Komo nawaniyan pi tlan, namasiyaniyaw video kkintelefonojkan o kxcomputadora.
Komo mastaw xasasti tratado niku xlichuwinamaw Dios tiku katatanokglhaw o niku wilakgolh lhuwa latamanin, tlan namasiyaniyaw código QR chu nawaniyaw pi kaʼescaneartlawalh kxteléfono. O tlan namasiyaniyaw video kkinteléfonojkan, xlakata código QR tunkan linan kvideo anta kʼInternet lhuwa tachuwin.
Nachuna tlan nakatalichuwinanaw tiku kataskujaw o kataʼanaw kʼescuela, kinparienteskan chu atanu tiku kalakgapasaw chu nakawaniyaw pi nakamasiyaniyaw. Na tlan nakamalakgachaniyaw video kcorreo electrónico, chu nakawaniyaw pi kaʼakxilhkgolh.
Komo liwana namaklakaskinaw uma xasasti tamakgtay, tlan namatsukiyaw takgalhtawakga chu nakamakgtayayaw xtakanajlakan tiku «tikanajlakgolh wa nti xlitalaksakkgonit latamat wa ntu xaliʼankgalhin» (Hech. 13:48).