Mastakan kakni chu tlan likatsikan lakgpali xnaku amakgapitsin

Xatlan xtayat chatum puskat tiku kstalanina Cristo max natlawa pi xchixku namakgamakglhtinan tuku xaxlikana. Pero max akglhuwa kata natitaxtu taputsastalanit xlakata chuna nala (1Pe 2:21-23; 3:1, 2). Komo wix titaxtupat tuku tuwa, chuntiya katlawa tuku tlan xlakata namakgatlajaya tuku nixatlan (Ro 12:21). Xatlan miliʼakxilhtit tlakg namakgtayanan nixawa tuku nawana.

Kaliskujti naʼakgatekgsniya tiku tamakgaxtokga (Flp 2:3, 4). Kalimasiya pi makgkatsiya tuku makgkatsi chu kalakgalhamanti, kakgalhskinti tuku lakpuwan akxni tlawaputuna tuku wix lakgchanan. Kakgaxpatti tuku nawaniyan (Snt 1:19). Ni lakapala kasitsi chu kawani pi paxkiya. Maski takaknin chu tapaxkit nema limasiyaya nichuna maspitnikana, liwana kakatsi pi Jehová lu xlakaskinka liʼakxilha pi ni makgxtakga (1Pe 2:19, 20).

AKXNI AKXILHNITATA VIDEO JEHOVÁ KINKAMAXKIYAN LITLIWAKGA XLAKATA NATAYANIYAW KINTAʼAKGLHUWITKAN, KAKGALHTI UMAKGOLH TAKGALHSKININ:

• ¿La xwanit xlatamat Grace Li akxni nina makgas xtamakgaxtokgnit?

• ¿Tuku tlawalh pi nalakgati tuku xaxlikana?

• ¿Tuku makgtayalh Grace natayani tuku tuwa titaxtulh akxni xtamununita?

• ¿Tuku skinilh Jehová tala Grace pi xtlawalh xpalakata xchixku?

• ¿Tuku tasikulunalin makglhtinanit tala Grace xpalakata xatlan xtayat chu xlakata maxki kakni xchixku?