¿La tlan namatliwakglha mintamakgaxtokgat?

Abrahán chu Sara xlapaxki chu xlamaxki kakni (Gé 12:11-13; 1Pe 3:6). Maski chuna, na makglakgalhinanin xwankgonit, chu kgalhikgolh taʼakglhuwit. ¿Tuku kamasiyani xatlan xliʼakxilhtit Abrahán chu Sara tiku makgaxtokgkgo?

Lu xlakaskinka latachuwinankan. Kaliskujti xlakata lakatitum nakgalhtinana komo tiku tamakgaxtokga sitsinit o nitlan makgkatsi chu nitlan tachuwinanan (Gé 16:5, 6). Kalimaxtutit kilhtamaku xlakata akxtum natawilayatit. Kalitasiyalh kmintachuwinkan chu tuku tlawayatit pi lapaxkiyatit. Chu tuku tlakg xlakaskinka, wa pulana kawilitit Jehová kmintamakgaxtokgatkan: akxtum kakgalhtawakgatit, katlawatit oración chu kaskujnitit Jehová (Ec 4:12). Tamakgaxtokgat nema tlan wilakgo malankikgo Jehová, tiku malakatsukilh tamakgaxtokgat.

AKXNI AKXILHNITATA VIDEO LA TLAN MATLIWAKGLHKAN TAMAKGAXTOKGAT, KAKGALHTI UMAKGOLH TAKGALHSKININ:

• ¿Tuku limasiya pi Shaan chu Kiara nialh tlan xlatalalin?

• ¿Tuku xlakata xlakaskinka pi tiku makgaxtokgkgo liwana nalatachuwinan?

• ¿La kamakgtayalh Shaan chu Kiara xliʼakxilhtit Abrahán chu Sara?

• ¿Tuku tlawakgolh Shaan chu Kiara xlakata namatliwakglhkgo xtamakgaxtokgatkan?

• ¿Tuku xlakata tiku makgaxtokgkgo ni xlilakpuwanatkan pi ni katikgalhikgolh taʼakglhuwit?