Kamaklakaskinti libro Kalipaxuwa latamat xlakata nakamakgtayaya amakgapitsin tlakg nakanajlanikgo Jehová chu Jesús

Lu xlakaskinka pi tiku kalimakgalhtawakgekan Biblia namatliwakglhkgo xtakanajlakan xlakata namakgapaxuwakgo Dios (Heb 11:6). Libro Kalipaxuwa latamat kinkamakgtayayan nakalakgchaniyaw xnakujkan. Limin textos nema lu xlakaskinka, tapuwan nema ni laktuwa, takgalhskinin nema lu makgtayanan, xalakstlan dibujos chu videos. Komo nakamakgtayayaw tiku kalimakgalhtawakgemaw Biblia nakgalhikgo tayat nema kgalhikgo kstalaninanin Cristo chu nakamakgtayayaw tlan natalalinkgo Dios, xtakanajlakan natayani akxni namin tuku tuwa (1Co 3:12-15).

Makgapitsi latamanin tuwa makgkatsikgo nakanajlakgo pi tlan natalalinkgo Dios xlakata nila akxilhkgo. Wa xlakata talakaskin nakamakgtayayaw nalakgapaskgo chu nalipawankgo Jehová.

AKXNI AKXILHNITATA NAWAN VIDEO KALIMAKLAKASKINTI LIBRO «KALIPAXUWA LATAMAT» XLAKATA NAKAMAKGTAYAYA AMAKGAPITSIN TLAKG NAKANAJLANIKGO JEHOVÁ, KAKGALHTI UMAKGOLH TAKGALHSKININ:

• ¿Tuku xlakata katsiyaw pi tala liwana lakkaxwililh tuku xʼama lichuwinan?

• ¿Tuku atanu takgalhskinin limaklakaskilh tala xlakata xtamakgalhtawakgen tlakg xlichuwinalh tuku likgalhtawakgalh kʼIsaías 41:10, 13?

• ¿La makgtayalh video chu versículos xalak Biblia tiku xmakgalhtawakgemaka?

Lhuwa latamanin ni akgatekgskgo tuku kilhchanima talakgmaxtut o ni liʼakxilhkgo chuna la akgtum tamaskiwin nema Dios kamaxkinit (Gál 2:20). Wa xlakata talakaskin nakamakgtayayaw nakanajlanikgo xtamakamastan Jesús.

AKXNI AKXILHNITATA NAWAN VIDEO KALIMAKLAKASKINTI LIBRO «KALIPAXUWA LATAMAT» XLAKATA NAKAMAKGTAYAYA AMAKGAPITSIN TLAKG NAKANAJLANIKGO JESÚS, KAKGALHTI UMAKGOLH TAKGALHSKININ:

• ¿Tuku xlakata katsiyaw pi tala liwana lakkaxwililh tuku xʼama lichuwinan?

• ¿La limaklakaskilh sección «Tlakg kakatsini» xlakata xlimakgtayalh tiku xmakgalhtawakgema?

• ¿Tuku xlakata lu xlakaskinka pi tiku makgalhtawakgemaw natlawa oración?