¿Tuku kilitlawatkan xlakata namakgapaxuwayaw Dios?

Ni katlawa tuku Dios xkajni (1 Corintios 6:9, 10)

Komo paxkiyaw Dios ni katitlawaw tuku xkajni.

Jehová ni lakaskin nakgalhananaw, nawayaw lhuwa kuchu chu nawayaw drogas.

Dios xkajni akxni makgankan skgata, tiku tatalakgxtumi xtachixku o xtapuskat chu tiku makgninan. Na ni lakgati napaxkiyaw tumin chu nalatlawaniyaw tuku nitlan.

Ni namakgtanuyaw ktaskuwan chu ni nakakninaniyaw imágenes.

Anta kparaíso nema aku namin ni katilatamakgolh tiku tlawakgo tuku nitlan.

Kakatlawaniw tuku tlan amakgapitsin (Mateo 7:12)

Makgapaxuwa Jehová akxni liskujaw xlakata nalikatsiyaw chuna la likatsi.

Tlan kakalikatsini amakgapitsin chu kakamaxki tuku kgalhiya. Chuna nalimasiyaya pi kapaxkiya.

Ni naʼakgskgawinana.

Kakalitachuwinanti amakgapitsin xlakata Dios (Isaías 43:10).

Kakatapati amakgapitsin.