Jehová kinkamaxkiyan chatum Lakgmaxtuna

29 Xapulana espíritu nema Dios tlawalh, xapuxku xkgawasa wa.

Dios snun paxkiy chu natlaway pi xkgawasa nakamalakgsputu tiku lixkajni xtayatkan, chu nakalakgmaxtu tiku xakgalhakgaxmatninanin (Juan 3:16, 36).

30 Jehová makamilh xKgawasa xlakata nalakachin o naskgatan unu kKatiyatni. Wanika Jesús. Chu xtukuwani xtse, María (Lucas 1:30-35).

31 Akxni Jesús stakli, masiyalh lhuwa tuku xatlan. Masiyalh pi manwa Jehová xaxlikana Dios (Marcos 12:29, 30).

Jesús wa, pi manwa Jehová nakakninaniyaw (Mateo 4:10; Juan 4:23, 24).

Nachuna kamasiyanilh kristianos xlakata xtamapakgsin Jehová (Lucas 17:20, 21).

32 Jesús lhuwa tlawalh tuku tlan chu kamakuchilh tatatlanin. Ni tlawalh tuku nitlan (Hechos 10:38; 1 Pedro 2:21, 22).

¿La tlan xkinkalakgmaxtun ktalakgalhin chu klinin?

33 Makamaxkilh Dios akgtum tamakamastan, xlakata nalilakgmaxtukgoy tiku tlan likatsikgoy. Makgasa Dios kawanilh kristianos pi namakamastakgoy animales xlakata xkatapatika xtalakgalhinkan (Hebreos 7:25, 27).

34 Jesús ni makamastalh animales. Xla tamakamastalh kinpalakatakan (Mateo 20:28; Hebreos 10:12).

¿Katsiya wix tuku xlakata?