TAKGALHSKININ XLAKATA BIBLIA
¿Tuku xlakata lhuwa latamanin lakpuwankgo pi wi Malakatsukina?
¿Nixlikana pi latamat akgtum milagro?
Max titaxtunita akgtutu milh kata, chatum poeta tsokgli: «Kpaxkatlikatsiniyan, porque laklikaknit» la kintlawanita (Salmo 139:14). Xlikana tuku wa: xlakata tuwa kanajlakan pi aktsu skgata kʼaktsu célula taxtucha, ¿ni xlikana? Lhuwa latamanin lakpuwankgo pi putum tuku kgalhi latamat, Malakatsukina tiku katlawalh. (Kalikgalhtawakga Salmo 139:13-17 chu Hebreos 3:4.)
Tiku tlawalh tuku anan kʼakgapun, na wa tlawalh Katiyatni chu putum tuku anta anan (Salmo 36:9). Xla katachuwinanit latamanin xlakata nalakgapaskgo. (Kalikgalhtawakga Isaías 45:18.)
¿Kinkilhtsukutkan animales?
Xlikana pi kimaknikan atsinu ni xtachuna la animales. Wa xlakata kimputumkan kKatiyatni lamaw chu kaj chatum tiku kinkatlawan. Xla ni makilhtsukicha chixku kʼanimal, wata makilhtsukicha kpokgxni. (Kalikgalhtawakga Génesis 1:24 chu 2:7.)
Pulaktiy tuku tlawa pi akinin ni xtachuna la animales. Xapulana, akinin tlan wi tiku kalakgapasaw, paxkinanaw, chu maxkiyaw kakni kiMalakatsukinakan. Chu xlipulaktiy, kinkatlawakan xlakata putum kilhtamaku nalatamayaw, ni xtachuna la animales. La uku niyaw xlakata xapulana chixku lakgmakgalh xlimapakgsin Dios. (Kalikglhtawakga Génesis 1:27 chu 2:15-17.)