TAKGALHSKININ XLAKATA BIBLIA
¿Tlakg tlan nalatamayaw kilhtamaku nema aku mima?
Xlakata Jesús nilh, tlan nalatamayaw kakgtum ktiyat niku ni naʼanan tuku nitlan. ¿La nakgantaxtu?
Ciencia chuntiya lhuwaku tuku natlawa. Pero ¿natlawa uma pi xatapaxuwan natawilakgo latamanin chu nalalilakgaputsakgo? Lu tuwa. Kakilhtamaku xala uku anan lhuwa talakgkatsan. Pero, Dios lakaskin pi latamanin tlakg tlan katawilakgolh. (Kalikgalhtawakga 2 Pedro 3:13.)
Biblia wan pi kilhtamaku nema aku mima tapaxkit natalakgatumi kKatiyatni. Latamanin nialh napekuankgo chu niti nalatlawani tuku nitlan. (Kalikgalhtawakga Miqueas 4:3, 4.)
¿La namalakgsputukan tuku ni tlan?
Akxni Dios tlawalh Adán, xapulana chixku, ni tlawaka xlakata natlawa tuku nitlan, wata xaskulunku tlawaka. Pero akxni Adán laksakli pi nialh nakgalhakgaxmata Dios, nialh skulunku wa. Akinin na kgalhiyaw talakgalhin xlakata kinkamatitaxtinikanitan chu tlawayaw tuku ni tlan. La uku, xlakata Jesús, Dios natlawa pi nialh nakgalhiyaw talakgalhin. (Kalikgalhtawakga Romanos 7:21, 24, 25.)
Xlakata xtalakaskin Dios, Jesús makamastalh xlatamat uma tlawalh pi nialh xkgalhiw talakgalhin xlakata xapulana chixku (Romanos 5:19). Xlakata chuna lalh, Jesús tlawalh pi xkgalhiw akgtum lu tlan takgalhkgalhin nema putum latamanin nialh nakgalhikgo tuku nitlan chu nialh natlawakgo talakgalhin. (Kalikgalhtawakga Salmo 37:9-11.)