¿Malakgatsamanitata?
¿Tuku lichuwinamaw? Namalakgatsamaya tarjeta nema wanikan: Directriz anticipada y carta poder para atención médica (DACP) nema kgalhiyaw akinin xTatayananin Jehová tiku tamununitawa. Xlakata “ni pala tsinu katsiyaw wantu nakinkaʼakgspulayan kkilatamatkan chali tuxama”, lu xlakaskinka la uku nalaksaka tuku nalimaklakaskin makuchina nema tlan xmakglhtinanti xlakata nalimakuchiyan akxni wi tuku lakapala xlani chu natsokgwiliya (Sant. 4:14, Hua Xasasti Talaccaxlan [1999]; Hech. 15:28, 29). Xlakata nakatsiya tuku nalaksaka, tlawakanit video wanikan: Asistencia médica sin transfusiones. Necesidades y derechos del paciente. Pulana kaʼakxilhti, chu akxni tlawanitata oración kakgalhtinanti umakgolh takgalhskinin xlakata tuku katsini. (Kkawaniyaw natlatni pi wa nalaksakkgo komo nakataʼakxilhkgo laktsu xkamanankan uma video xlakata limin tiku chukumaka.)
1) ¿Tuku xlakata makgapitsi makuchinanin lakpuwamakgo pi nialh nawilikgo kgalhni akxni nakachukukgo tiku tatatlakgo? 2) Kawanti pulaktutu akxni wi tiku chukukan nema xalaktuwa chu tlan ni nawilikan kgalhni. 3) ¿La kgalhlit o chalit makuchinanin wankgonit pi tlan nakamakuchikgo tiku tatatlakgo chu ni nakawilinikgo kgalhni? ¿Tuku xlakata chuna natlawakgo? 4) ¿Tuku limasiyakgonit lhuwa hospitales xlakata limaklakaskinkan kgalhni? 5) ¿Tuku nitlan kitaxtu akxni makuchinanin wilikgo kgalhni? 6) ¿Tuku wankgo lhuwa makuchinanin xlakata la kitaxtu akxni atanu tuku maklakaskinkan chu ni wa kgalhni? 7) ¿Tuku tlawa pi latamanin nakgalhikgo anemia? ¿La xlilhuwa anemia tayani kimaknikan? ¿Tuku tlan natlawakan xlakata namakgtayakan chatum tatatla tiku kgalhi anemia? 8) ¿La natlawakan xlakata tiku tatatla tlan namalhuwinikan eritrocitos (glóbulos rojos)? 9) ¿Tuku tlawakgo makuchinanin chu tuku limaklakaskinkgo xlakata ni lhuwa natamakgan kgalhni akxni wi tiku chukukgo? 10) ¿Tlan kitaxtu akxni atanu tuku limaklakaskinkan chu ni kgalhni xlakata nalimakuchikan tiku laktsujku o akxni tiku snun? 11) ¿Tuku xlilakapastakatkan makuchinanin xlakata liwana nakamakuchikgo tiku tatatlakgo? 12) ¿Tuku xlakata xlakaskinka pi akinin kstalaninanin Cristo natsokgwiliyaw tuku laksaknitaw nakinkalimakuchikanan xlakata ni nakinkawilinikanan kgalhni akxni natatatlayaw? ¿La natlawayaw?
Komo wi tiku namakglhtinan makgapitsi tuku likuchunkan nema taxtu kvideo, xakstu nalaksaka chuna la wi xtalakapastakni xlakata tuku katsinit kBiblia. ¿Liwana katsiyata tuku namakglhtinana nema maklakaskinkgo makuchinanin akxni natatatlaya chu xla minkamanan chu na malakgatsamanitata tarjeta DACP? Kkawaniyan pi liwana kalikgalhtawakga klibro «Kxtapaxkit Dios» capítulo 7 chu likgalhtawakga nema wilikanit anta chu tlakg lichuwinan xlakata uma. Na kaʼakxilhti suplemento «¿Qué opino de las fracciones sanguíneas y de los procedimientos médicos que impliquen el uso de mi sangre?», xla Nuestro Ministerio del Reino xla noviembre kata 2006. Xaʼawatiya, liwana kaʼakxilhti pi tuku laksakti chuna tsokgwilinita ktarjeta DACP. Nachuna, tiku kaliyawanita napalakachuwinanan chu atanu xalak mi familia tiku ni xTatayana Jehová na xlikatsitkan tuku laksaknita.
[Box on page 3]
• ¿Laksaknitata tuku namakglhtinana nema maklakaskinkgo makuchinanin akxni natatatlaya chu xla minkamanan?
• ¿Putum kilhtamaku lipina tarjeta DACP chu malakgatsamanita komo wi tuku lakapala naʼakgspulayan?