Alisokg kalakkaxwili tuku namaklakaskina komo natalakaskin napina kpumakuchin

¿Tuku xlakata talakaskin namakaxaw tuku namaklakaskinaw? Putum akinin max namin kilhtamaku natatatlayaw o kaj lakapala natalakaskin nakinkalinkanan kpumakuchin. Komo lakaskinaw pi liwana nakinkakuchikanan, kilimaklakaskinatkan tamakgtay nema kgalhiyaw. Chuna nalimasiyayaw pi xtapalh liʼakxilhaw latamat chu pi kgalhakgaxmataw xlimapakgsin Jehová xlakata kgalhni (Hch 15:28, 29).

¿La namakaxaw tuku namaklakaskinaw?

• Akxni lilakpuwanitata chu tlawanitata nawan oración, kamalakgatsama tarjeta niku nawan la lakaskina nakuchikana (DPA).a Tiku tamunukgonitata tlan naskinikgo uma tarjeta tiku lakgaya namasta likgalhtawakga, chu natlatni tlan naskinikgo Tarjeta de identidad (ic) xla laktsu xkamanankan.

• Tiku ama malakachini skgata, tlan nakaskini lakgkgolotsin kapsnat nema wanikan Información para mujeres embarazadas (S-401), nema namakgtaya nalaksaka tuku tlan komo kaj lakapala wi tuku nala akxni nina lakachin nawan kskgata o akxni nalakachin.

• Komo natalakaskin pi natamakgxtakga kʼhospital o makuchinanin nawanikgoyan pi max natalakaskin kgalhni, kakamakatsini lakgkgolotsin xalak mincongregación chu kawanti kʼhospital pi lakaskina nalakgapaxialhnan chatum xtatayana Jehová.

¿La tlan namakgtayanankgo lakgkgolotsin? Tlan namakgtayakgoyan namalakgatsamaya mintarjeta DPA, pero ni wa katiwanikgon tuku wix mililaksakat chu na ni katiwanikgon tuku lakpuwankgo pi militlawat (Ro 14:12; Gál 6:5). Akxni nakamakatsiniya lakgkgolotsin xalak mincongregación pi makuchinanin wanimakgon pi max namaklakaskina kgalhni, xlakan tunkun nakatachuwinankgo Comité de Enlace con los Hospitales (CEH).

¿La tlan namakgtayanankgo Comité de Enlace con los Hospitales? Natalan tiku lakgayakgo uma comité kamasiyanikanit la nakamakgtayakgo makuchinanin chu mapakgsinanin naʼakgatekgskgo tuku xlakata ni makglhtinanaw kgalhni. Tlan nakalitachuwinankgo mimakuchinanin pi wix atanu tuku tlan nalimakuchikana niku ni natalakaskin kgalhni chu, komo natalakaskin, tlan nataputsakgoyan atanu makuchina tiku ni namaklakaskin kgalhni.

AKXNI AKXILHNITATA NAWAN VIDEO ¿TUKU NAKINKAMAKGTAYAYAN LIWANA NALAKSAKAW LA NATAMAKLAKASKIN KGALHNI?, KAKGALHTI UMA TAKGALHSKININ:

• ¿Tuku namakgtayayan nakatsiya tuku natlawaya komo makuchinanin nalikuchiputunkgoyan kgalhni?

  Mintakgalhtin