¡Kamatsukiw akgtum takgalhtawakga xalak Biblia kʼoctubre!
1. ¿Tuku namakgpitsiyaw kʼoctubre?
1 Revistas Makatsinina chu ¡Despertad! wa tuku namakgpitsiyaw octubre. Komo tiku natachuwinanaw liwana kgaxmata, nalakgamparayaw chu nalinaw tratado ¿Katsiputuna tuku xaxlikana? xlakata natsukuyaw makgalhtawakgayaw. Kaʼakxilhwi la natlawayaw.
2. ¿La tlan nalimaklakaskina tratado ¿Katsiputuna tuku xaxlikana? xlakata tlan natsukuya limakgalhtawakgeya Biblia tiku makglhtinalh revista?
2 La nalimaklakaskinaw tratado. Tlan xwanti: «Revistas nema kmaxkin akxni kkilakglachin kawani putum latamanin kakatsinikgolh xlakata Biblia. [Kamaxki tratado ¿Katsiputuna tuku xaxlikana? chu kamasiyani takgalhskinin nema wilakgo xmakni tratado.] Biblia masta xtakgalhtin umakgolh takgalhskinin. ¿Tuku tlakg lakgatiya?». Liwana kakgaxpatti la nakgalhtiyan. Alistalh, akxtum kaʼakxilhtit takgalhtin nema masta tratado chu kalikgalhtawakgatit akgtum texto nema tatsokgtawilakgonit. Kawani pi uma kaj makgapitsi liʼakxilhtit xlakata tuku masiya Biblia. Alistalh kamaxki libro ¿Tuku xlikana masiyay Biblia? La uku pulaktiy tuku tlan natlawaya. Pulaktum, tlan nawaniya pi kalaksakli akgtum capítulo nema wi kʼíndice chu nalikgalhtawakgayatit xapulana párrafos. Apulaktu, tlan naputsaya klibro niku tlakg lichuwinan tuku wan tratado. Unu wi tuku tlan namakgtayayan:
● ¿Xlikana paxkiyan Dios? (págs. 10, 11 párrs. 6-10)
● ¿Putum kilhtamaku natawila guerra chu tapatin? (pág. 12 párrs. 12, 13)
● ¿Tuku kinkaʼakgspulayan akxni niyaw? (págs. 59, 60 párrs. 7, 8)
● ¿Kgalhikgo akgtum takgalhkgalhin tiku nikgonitta? (pág. 71 párrs. 13-15)
● ¿La natlawaniyaw oración Dios xlakata nakinkakgaxmatniyan? (págs. 166, 167 párrs. 5-8)
● ¿La tlan naktekgsa tapaxuwan kkilatamat? (pág. 9 párrs. 4, 5)
3. Chuna la nakgaxmata tiku tachuwinamaw, ¿tuku tlan natlawayaw?
3 Komo nila namatsukiya limakgalhtawakgenana libro ¿Tuku xlikana masiyay Biblia? akxni nalakgpimparaya, tlan natalakaxlaya xlakata alistalh tlan natachuwinamparaya. Chu chuna la nakgaxmata tiku tachuwinampat, akxni nalakgpintilhaya tlan naʼakxilhatit amakgapitsi takgalhskinin nema limin tratado akxni nina maxkiya libro. Wa xlakata, liwana kamaklakaskiw uma tratado xlakata wi tiku tlan natsukuyaw makgalhtawakgayaw kʼoctubre chu nakamakgtayayaw tiku katsiputunkgo xlakata Dios tlan nalakgapaskgo tuku xaxlikana (Juan 8:31, 32).