Natsukuyaw makgpitsiyaw xasasti folleto
1. ¿Tuku namakgpitsiyaw knovimbre, chu tuku xlakata?
1 ¿Lakapastaka pi kTamakxtumit xaʼAkgtutu Kilhtamaku xla kata 2009 nema xwanikan «¡Skgalalh katawilatit!» mastaka xasasti folleto? Uma folleto wanikan Biblia chu tuku lichuwinan. Knoviembre natamakgpitsi uma folleto xlikalanka katiyatni. ¿La nakamakgtaya latamanin? Lhuwa latamanin tiku kgalhikgo akgtum takanajla nema ni stalanikgo Cristo, ni lhuwa tuku katsikgo xlakata Biblia. Chuna la wan kxpágina 3, “uma folleto nakamakgtayakgo” xlakata nakatsikgo tuku wan Biblia.
2. ¿La tlan namakgpitsiyaw uma folleto?
2 Akxni namakgpitsiyaw. Tlan nawanaw: «Tuku lakpuwana xlakata uma tachuwin [kalikgalhtawakga 2 Timoteo 3:16]. ¿Katsiya? Lhuwa latamanin tiku katachuwinanaw lakpuwankgo pi xlikana tuku klikgalhtawakganin, pero makgapitsi lakpuwankgo pi Biblia kaj xatlan likgalhtawakga. ¿Tuku lakpuwana wix xlakata Biblia? [Kamaxki talakaskin nakgalhtinan.] Maski tanu tanu kintakanajlakan, wi tuku lu xlakaskinka nalikgalhtawakgayaw kinchatunukan [kalikgalhtawakga párrafo niku tsuku página 3]. Chuna la nalikgalhtawakgatilhaya uma folleto niku kaj tsinu chu lilakgatit la lichuwinan tuku wan Biblia, nakatsiya pi tema chu tuku lichuwinan kaj akgtum».
3. Anta niku wilakgo lhuwa latamanin tiku ni kstalaninanin Cristo, ¿tuku atanu tlan nawana?
3 Atanu tuku tlan nawana, komo niku lichuwinana xtachuwin Dios wilakgo lhuwa latamanin tiku ni kstalaninanin Cristo: «Kkatsiputunaw tuku lakpuwana xlakata tuku wan uma texto [kalikgalhtawakga Salmo 37:11]. ¿La lakpuwana pi nawan Katiyatni akxni nakgantaxtu uma texto? [Kamaxki talakaskin nakgalhtinan.] Uma tuku likgalhtawakgaw ka akgtum liʼakxilhtit xlakata la Biblia kamakgtaya chu kamaxki takgalhkgalhin putum latamanin». Kalikgalhtawakga xapulana párrafo xalak página 3 chu kamaxki folleto.
4. ¿La tlan nalimatsukiyaw akgtum takgalhtawakga akxni namaklakaskinaw uma folleto?
4 La namatsukiya akgtum takgalhtawakga. Akxni nalakgamparayaw tiku tachuwinaw, tlan namalakapastakniyaw tuku litachuwinaw chu alistalh natalikgalhtawakgayaw akgtum o akgtiy párrafo xlakata tema nema litachuwinaw chu namaklakaskinaw takgalhskinin nema wi niku kgalhsputa sección. O komo tunkun maxkiputunaw libro ¿Tuku xlikana masiyay Biblia? kalikgalhtawakganiw xaʼawatiya página xla folleto, kamaxkiw libro, kakgalhskiw tukuya capítulo tlakg lakgati chu katalikgalhtawakgaw akgtum o akgtiy párrafo. ¡Kimputumkan tlan na namakgpitsiyaw uma folleto knoviembre!