La limaklakaskinkan formulario Sírvase visitar (S-43-S)

Maklakaskinaw uma formulario akxni tekgsaw tiku katsiputun xlakata Dios chu ni anta lama niku lakgchan congregación nalichuwinan Dios o atanu tachuwin chuwinan. Xapulana xmatsamayaw formulario akxni xtekgsaw tiku chuwinan atanu tachuwin maski xkatsiputun o ni xkatsiputun pero uku kaj maklakaskinaw akxni tiku katachuwinanaw xlikana katsiputun. Pero tlan namatsamayaw komo akgatapa tiku katachuwinamaw. Komo chuna kilimatsamatkan formulario S-43-S.

¿Tuku natlawayaw akxni matsamanitawa formulario? Kamaxki secretario xalak congregación. Komo tala katsi tuku congregación lakgchan, malakgacha xlakata nalakgapaxialhnankan tiku katsiputun. Akxni secretario ni katsi tuku congregación lakgchan, malakgacha ksucursal.

Komo tiku katsiputun chuwinan atanu tachuwin pero anta wi niku kinkalakgchanan nalichuwinanaw Dios, tlan chuntiya nalakgapaxialhnanaw asta akxni nalakgapaxialhnan tiku na watiya tachuwin kgalhi (kaʼakxilhti La Natlawayaw xTaskujut Dios xla noviembre kata 2009 kpágina 4).