Akxni nakinkakgaxmatnikanan tunkun kataspitparaw

Akxni masastika kisitiojkan xla Internet, taliwakanit la xlilhuwa skinkan takgalhtawakga xalak Biblia. Nachuna, xasasti la talichuwinan Dios na lu makgtayananit xlakata nataliwaka. Betel lakapala lakkaxwili pi tunkun nakalakgapaxiʼalhnanka latamanin. Akgtum liʼakxilhtit, komo naskinkan takgalhtawakga ksitio jw.org, Betel kaj akgtiy kilhtamaku makgapala xlakata nakawani lakgkgolotsin, tiku kalakgchan nalakgapaxialhnankgo. Pero kinkawanikanitan pi lakgachunin titaxtu semanas akxni tachuwinankan tiku skinit takgalhtawakga. ¿La natlawayaw xlakata nakamakgtayayaw ama latamanin xlakata chuntiya nakgalhtawakgaputunkgo? (Mar. 4:14, 15.)

Komo chatum lataman ni anta wi niku lakgchanan nalichuwinana Dios chu tlakg katsiputun xtachuwin Dios, tunkun kamalakgatsama formulario Sírvase visitar (S-43) chu tunkun kamaxki secretario xalak mincongregación akxni nakgalhiya mintamakxtumit. Secretario namalakgacha ksucursal chu ni xlilakatsalat akgtiy kilhtamaku, nalimaklakaskin sitio jw.org anta niku wan congregación. Nachuna, lakgkgolotsin putum kilhtamaku xliʼakxilhatkan sitio jw.org. Komo nakamakatsinikan pi chatum lataman niku lichuwinankgo Dios tlakg katsiputun tuku litachuwinanka, tunkun nalakgapaxiʼalhnankan. Tala tiku lakgchan nalakgapaxiʼalhnan lu xlakaskinka naʼakxilha. Komo ni wi kxchik akxni nalakgpina, kamakgxtakgni akgtum tatsokgni niku nawaniya la natekgsan.