«Kalalakgalhamaw»
1. ¿Tuku lu maklakaskinkgo latamanin?
1 La uku tlakg skinkgo tamakgtay latamanin. Xlakata lu nitlan la wi kakilhtamaku tlawa pi naʼan tiku lu lipuwankgo, ni paxuwakgo chu ni kgalhikgo takgalhkgalhin. Kstalaninanin Cristo katsiyaw pi lhuwa millón latamanin maklakaskinkgo tamakgtay chu akinin tlan nakamakgtayayaw (Mat. 22:39; Gál. 6:10). Kaʼakxilhwi la tlan nakamakgtayayaw amakgapitsi latamanin.
2. ¿La tlakg liwana nalimasiyayaw pi kalakgalhamanaw latamanin?
2 Taskujut nema kinkamatlawiyan talakgalhaman. Kajwatiya Dios tlan kinkamaxkiyan xaxlikana tamakgtay (2 Cor. 1:3, 4). Jehová kinkawaniyan pi “nalapaxkiyaw nalakgalhiniyaw ntalakgalhaman” chu kinkawaninitan pi nakalitachuwinanaw kintalakatsukan xalakwan xalaksasti xla xTamapakgsin Dios (1 Ped. 3:8). Kajwatiya akxni putum kilhtamaku tlawayaw uma taskujut tlan kamakgtayayaw latamanin «tiku lipuwamakgo», xlakata kajwatiya xTamapakgsin Dios kinkawaniyan pi namasputu tapatin (Isa. 61:1). Xlakata Jehová lu kalakgalhaman xlakskujnin, nialh makgas namasputu tuku nitlan chu nalimin xasasti kakilhtamaku (2 Ped. 3:13).
3. ¿La tlan nakaʼakxilhaw latamanin chuna la xkaʼakxilha Jesús?
3 Kakaʼakxilhwi latamanin la kaʼakxilhli Jesús. Asta akxni xlichuwinan Dios niku xwilakgo lhuwa latamanin, Jesús na lu xlakaskinka xkaʼakxilha chatunu chatunu latamanin. Xkatsi pi xchatunukan tanu tanu tuku xmaklakaskinkgo kxtakanajlakan chu xkamasiyaniputun, xlakata xkalakgalhamanan tiku xtasiyakgo la borregos nema niti xkapulalin (Mar. 6:34). Komo nachuna natlawayaw la tlawalh Jesús liwana nalimasiyayaw talakgalhaman, chu uma nalitasiya kilakankan chu la chuwinanaw. Nachuna, pulana nawiliyaw la lichuwinanaw Dios chu nakalitachuwinanaw tuku nakatsiputunkgo chatunu chatunu (1 Cor. 9:19-23).
4. ¿Tuku xlakata “nkgayaj nalikatsiyaw, luwa xalakgalhamananin” nawanaw?
4 Lhuwa mil latamanin xlikalanka katiyatni kgaxmatkgo tamakatsin xla xTamapakgsin Dios nema masta takgalhkgalhin chu nachuna xlakata kalimasiyaniyaw pi kamakgtayaputunaw. Akxni “nkgayaj nalikatsiyaw, luwa xalakgalhamananin” na malankiyaw chu makgapaxuwayaw xalakgalhamanina Dios, Jehová (Col. 3:12).