La tlan nawanaw akxni nalichuwinanaw Dios
La tlan nawanaw akxni natsukuyaw limakgalhtawakgananaw xapulana sábado xla agosto
«Lhuwa latamanin katsikgo uma tachuwin xla padrenuestro: “Kamilh milimapakgsin, wa nkatatlawalh ntu mintalakaskin, xtachuna lantla nkakgapun, na chuna kawa nkatiyatna”. ¿Katsiya tuku uma limapakgsin? [Kamaxki talakaskin nakgalhtinan.] Uma versículo kinkamakgtayayan.» Kalikgalhtawakga Daniel 2:44. Kamaxki revista Makatsinina 1 xla agosto katalikgalhtawakga tuku wan xapulana subtítulo nema wi kpágina 28. Kamalaknuni revista chu katalakaxla xlakata nataspita chu naʼakxilhparayatit atanu takgalhskinin.
Makatsinina 1 xla agosto
«Xlakata ni makgas latamayaw chu anan lhuwa taʼakglhuwit latamanin kakgalhskinkan komo tlan nalipaxuwayaw latamat. ¿Minit kilhtamaku nachuna akstu kgalhskinkanita uma? [Kamaxki talakaskin nakgalhtinan.] Biblia malaknu pi latamat ni chuna katiwa putum kilhtamaku [kalikgalhtawakga Apocalipsis 21:4]. Uma revista lichuwinan tuku lakpuwanit Dios natlawa kKatiyatni chu na kinkawaniyan tuku tlan natlawayaw xlakata nalipaxuwayaw kilatamatkan uku chu kilhtamaku nema aku mima.»
¡Despertad! Agosto
«Kaʼakxilhti tuku wan uma versículo [kalikgalhtawakga tsinu tuku wan 1 Samuel 16:23]. Xlakata tuku wan unu, tatlakgni wi tuku kamatlawi latamanin. Pero ¿lakpuwana pi wi tatlakgni nema nakinkamatlawiyan tuku nitlan? [Kamaxki talakaskin nakgalhtinan.] Uma revista lichuwinan la nalaksakaw tuku nakgaxmataw chu la nakamakgtayayaw kinkamanankan xlakata nachuna natlawakgo.»