La tlan nawanaw akxni nalichuwinanaw Dios

La tlan natsukuyaw kamakgalhtawakgayaw latamanin kxapulana sábado xla agosto

«Atsinu ni putum latamanin minit kilhtamaku tlawanikgonit oración Dios. Asta tiku ni kanajlakgo pi lama, tlawanikgo oración akxni wi tuku lu tuwa titaxtumakgolh. ¿Wix lakpuwana pi Dios putum kgaxmata oraciones?» Akxni kgalhtinanita tiku tachuwinampat, kamasiyani xaʼawatiya página xla revista Makatsinina xla agosto chu katalikgalhtawakga xapulana takgalhskinin chu maski kaj akgtum texto nema limin. Kamaxki revista chu kawani pi napimparaya xlakata nakgalhtiya atanu takgalhskinin xla uma página.

Nota: Uma tuku namasiyakan anta natamasta akxni naʼanaw lichuwinanaw Dios 3 xla agosto.

Makatsinina 1 xla agosto 

«Lhuwa latamanin lilakgaputsakgo xlakata kaniwa niku anan tiku ni lhakganankgonit chu lakpuwankgo pi lu talakgatuminit. Pero makgapitsin lakpuwankgo pi kaj akgtum lilakgastan nema nitu tlawa. ¿La nakatsiyaw tiku xlikana tuku wan? [Kamaxki talakaskin nakgalhtiyan.] Jesús wa pi kiliʼakxilhatkan la nakitaxtu tuku tlawaputunaw, komo tlan o nitlan [kalikgalhtawakga Mateo 7:17]. Uma revista kinkawaniyan la kitaxtu komo naʼakxilha tiku ni lhakganankgonit. Na lichuwinan tuku natlawa tiku makgxtakgputun uma nitlan talismanin.»

¡Despertad! Agosto

«Lhuwa akinin tiku makgas latamaputunkgoyaw. ¿Lakpuwana pi natawila kilhtamaku akxni makuchinanin natlawakgo nema natlawa pi nialh naniyaw? [Kamaxki talakaskin nakgalhtiyan.] Kaʼakxilhti tuku masiya Biblia nema nila kanajlakan [Kalikgalhtawakga 1 Corintios 15:26]. Pero, ¿la natlawa Dios? ¿Wa namaklakaskin tuku maklakaskinkgo makuchinanin o la natlawa? Chu: ¿tuku xlakata kgolonaw chu niyaw? Kʼuma revista natekgsa putum takgalhtin nema takilhtinit kBiblia.»