Los testigos de Jehová: organizados para predicar las buenas nuevas
Akinin xtatayananin Jehová liwaka akgtum ciento kata makxtum lichuwinamaw xtachuwin Dios. Talichuwinama xtachuwin Dios xlikalanka kKatiyatni chuna la nikxni tatlawanit, uma tamakatsinin talichuwinama lhuwa ciento tachuwin chu liwaka 230 países (Mat. 24:14). ¿Tuku xlakata lu xlakaskinka uma taskujut? ¿La tlawakan xlakata natalichuwinan xlikalanka katiyatni? Video Los testigos de Jehová: organizados para predicar las buenas nuevas kinkamaxkiyan xtakgalhtin akxni akxilhaw pulaklhuwa la tatlawama uma taskujut xlikalanka katiyatni. Akxni akxilhnitata, kakgalhti umakgolh takgalhskinin.
¿La makgtayan uma video xlakata tlakg xlakaskinka naʼakxilha 1) tuku tlawama xkachikin Jehová xlakata lichuwinamaka xalakwan xalaksasti? (2 Tim. 4:2.) 2) putum familias Betel nema anan xlikalanka katiyatni? 3) tuku tlawamaka xlakata tlakg nakamasiyanikan misioneros chu superintendentes? (2 Tim. 2:2.) 4) nalikgalhtawakgaya texto xala chali chali chu nalikgalhtawakgaya tuku nataʼakxilha ktamakxtumit? (Hech. 17:11.) 5) tasikulunalin nema kgalhiyaw akxni anaw ktamakxtumit? (Heb. 10:24, 25.) 6) tasikulunalin nema namakglhtinanaw akxni Katiyatni paraíso nawan? (Isa. 11:9.) 7) tlan nakamakgtayaya pi tlakg lhuwa latamanin nakatsikgo xlakata Dios? (Juan 4:35.)
Uma video lu tlan xlakata nakalimakgtayakan latamanin nakatsinikgo xtaskujut xtatayananin Jehová nema tatlawama xlikalanka katiyatni. 8) ¿Tukuya kilhtamaku lakpuwana pi tlan nakamasiyaniya tiku limakgalhtawakgepat Biblia, mi familia chu amakgapitsi tiku kalakgapasa? 9) ¿La kamakgtayanit tiku akxilhkgonit?
Akxni liwana lakapastakaw tuku tlawama Jehová la uku, katsiyaw xtachuwin salmista: «Kintiku Dios, lhuwa laklikaknit taskujut kintiʼawaninita, y mintapuwan kilamasininitaw. ¡Xlikanaj, niti la wix! Para akit xakmakatsininalh y xaklikgalhchiwinalh wakg tu tlawanita kilakata, nila wakg xakkalikgalhchiwinankgolh» (Sal. 40:5). Liwana kalimaklakaskiw uma video xlakata nakamakgtayaya amakgapitsin lu xlakaskinka naʼakxilha Jehová chu xkachikin.