Los testigos de Jehová: una historia de fe viva. Parte 2: Dejan brillar su luz
Akxni tala Rutherford chu amakgapitsi natalan katamakxtuka kpulachin kata 1919, xLikgalhtawakgananin Biblia lhuwa taskujut xʼamakgolh tlawakgo. Wa DVD Los testigos de Jehová: una historia de fe viva. Parte 2: Dejan brillar su luz limasiya pi lhuwa taʼakglhuwit kgalhikgolh, chu tlakg liwana akgatekgskgolh Biblia chu xtakanajlakan tatliwakglhli (Pro. 4:18; Mal. 3:1-3; Juan 15:20). Akxni akxilhnitata nawan DVD, kalitsakgsa nakgalhtinana umakgolh takgalhskinin.
1) ¿Tuku tlawakgolh xlikgalhtawakgananin Biblia xlakata tlan xmalakgatumikgolh xalakwan xalaksasti? 2) ¿Tuku lalh kxalaklanka tamakxtumit kata 1931 chu 1935? 3) ¿Tuku xlakata revista La Atalaya xaʼinglés 1 xla noviembre kata 1939 lu xlakaskinka wa? 4) Kawanti tuku lalh kMadison Square Garden akxni tala Rutherford xmastama taʼakgchuwin nema xwanikan “Gobierno y paz”. 5) ¿Tuku xlakata lu xlakaskinka wa taʼakgchuwin “Paz... ¿será duradera?”, nema mastalh tala Knorr? 6) ¿Tuku lakkaxwilikgolh xtatayananin Jehová kkata 1942 xlakata lakgatum xlichuwinanka Dios? 7) Kawanti tukuya taʼakglhuwa analh kEstados Unidos, kCanadá chu kʼGrecia. 8) ¿La kamakgtayalh Escuela xla Galaad xlakata tlakg xtalichuwinalh xalakwan xalaksasti? 9) ¿Tukuya taskujut matsukikgolh xtatayananin Jehová kkata 1946 chu tuku xlakata? 10) ¿Tuku lakkaxwilikgolh xtatayananin Jehová xlakata xlinkgolh xtayatkan chuna la wan xTachuwin Dios? 11) Kawanti tuku talakgpalilh kata 1970 xlakata xkachikin Dios chuna xtlawakgolh la wan Biblia. 12) ¿La makgtayanitan uma DVD xlakata nakatsiya pi Jehová katsi tuku tlawama chu pi wa uma xkachikin? 13) ¿La matliwakglhni uma DVD xlakata chuntiya xatapaxuwan nalichuwinana Dios maski naʼanan taʼakglhuwit? 14) ¿La tlan xmaklakaskinti uma DVD xlakata nakamakgtayaya mifamilia, tiku kalimakgalhtawakgeya Biblia chu atanu latamanin?
Chali chali katuwa tuku titaxtumakgolh xtatayananin Jehová. ¿Tuku nawankan alistalh xlakata la skujnimaw Dios la uku? Nachuna katlawaw la kinatalankan xalamakgasa: “kamakgaxkgakganalh makgxkgakganat” (2 Cor. 4:6).