La tlan nawanaw akxni nalichuwinanaw Dios

La tlan natsukuyaw kamakgalhtawakgayaw latamanin kxapulana sábado xla marzo

«¿Lakpuwana wix pi Dios kgalhi akgtum kachikin tiku skujnikgo nema ni makgatsankgananikgo o tlan akxilha kaj chatunu chatunu nakakninanikgo? [Kamaxki talakaskin nakgalhtinan.] Kaʼakxilhti tuku wan unu, xlakata akgtum kachikin nema Dios tilakkaxwililh makgasa.» Kaputsa krevista Makatsinina xla marzo kpágina 30 chu kalitachuwinati tiku tachuwinampat tuku wan kxapulana subtítulo o maski kaj akgtum texto kamasiyani nema wi anta. Kamaxki revista chu kawani pi nalakgpimparaya alimakgtum xlakata akxtum naʼakxilhatit atanu takgalhskinin.

Makatsinina 1 xla marzo

«La uku lhuwa tuku wankgo latamanin xlakata Armagedón. ¿Wix lakpuwana pi wi tuku tlan natlawakgo latamanin xlakata ni namin? [Kamaxki talakaskin nakgalhtinan.] Kaʼakxilhti niku minitancha tachuwin Armagedón [kalikgalhtawakga Revelación 16:16 chu alistalh kamasiyani xmakni revista]. Uma revista limaklakaskin Biblia xlakata kakgalhti umakgolh takgalhskinin».

¡Despertad! Marzo

«Kkalitachuwinamaw kintalakatsukan xlakata la tawila lhuwa tasitsi chu tiku latlawani tuku nitlan. Latamanin lakapala sitsikgo. ¿Tuku xlakata chuna xtayatkan? [Kamaxki talakaskin nakgalhtinan.] Kaʼakxilhti tuku wan Biblia xlakata tasitsi [kalikgalhtawakga Salmo 37:8]. Uma revista wan tuku xlakata, tlakg talhuwima latamanin tiku lakapala sitsikgo chu na wan tuku natlawakan xlakata ni nasitsikan.»