Los testigos de Jehová: una historia de fe viva. Parte 1: Salen de la oscuridad
Anta kBiblia, xkgakganat tamalakxtumikan tuku xaxlikana chu xakapukswa taʼakgsanin (Sal. 43:3; Isa. 5:20). Akxni Satanás akgskgawilh Eva, kakilhtamaku kxapukswa tsukulh tawila. La uku, putum latamanin xakapukswa lamakgo (Apo. 12:9). DVD Los testigos de Jehová: una historia de fe viva. Parte 1: Salen de la oscuridad lichuwinan la xtatayananin tlakg akgatekgskgolh tuku wan Biblia (Isa. 60:1, 2). Akxni akxilhnitata, kakgalhti uma takgalhskinin.
1) Akxni nikgolh apóstoles, ¿la talakgatumilh tuku ni xaxlikana? 2) ¿Tuku lalh ksiglo XII, nema kamakgtayalh latamanin xlakata nakatsikgo pi ni xlikana tuku xmasiyakan kpusikulan? 3) ¿Tiku xwankgonit Henry Grew chu George Storrs? 4) ¿Tuku titaxtulh Charles Russell nema lu lakgpalilh xlatamat? 5) ¿La xlikgalhtawakgakgo Biblia tala Russell, xtlat chu makgapitsi tiku xtalalinkgo? ¿Chu tuku akgatekgskgolh? 6) ¿La akxtum lakgolh tiku xtakgalhtawakgakgo Biblia Russell chu Nelson Barbour? ¿Tuku xlakata alistalh tapapitsikgolh? 7) ¿Tuku lalh julio xla kata 1879 nema tlawalh pi xtasiyapa xtaxkgakget Dios? 8) ¿Tuku tlawakgolh kkata 1869 tiku xLikgalhtawakgakgo Biblia xlakata xmasiyakgolh xalakwan xalaksasti? 9) ¿Tuku xkgalhkgalhimakgo tiku xLikgalhtawakgakgo Biblia pi xlalh kata 1914? 10) Akxni nilh tala Russell, ¿tukuya taʼakglhuwit kgalhikgolh tiku xLikgalhtawakgakgo Biblia? 11) ¿Tuku tlawakgolh tiku xLikgalhtawakgakgo Biblia akxni tala Rutherford chu tiku xtakgalhtawakgakgo katamakxtuka kpulachin? 12) ¿La makgtayanitan uma DVD xlakata tlakg xlakaskinka naʼakxilha xkachikin Jehová? 13) ¿La makgtayanitan uma DVD xlakata tlakg xatapaxuwan nalichuwinana Dios maski lhuwa taʼakglhuwit nakgalhiya? 14) ¿La xlimaklakaskinti uma DVD xlakata nakamakgtayaya mifamilia, tiku kalimakgalhtawakgeya Biblia chu atanu latamanin?
¡Lu tlan tuku kinkamasiyanikgon xapulana tiku xLikgalhtawakgakgo Biblia! Maski xlamakgo kakilhtamaku niku kapukswa xwi xlakata takanajla, xlakan linkgolh xkgakganat chu ni pekuankgolh. Nachuna katlawaw chu kalatamaw «xtachuna nti xala kxkgakganat» (Efe. 5:8).