Pulakkutiy tuku xlakata lichuwinanaw Dios

¿Tuku xlakata lichuwinanaw Dios kʼakgatunu chiki chu limakgalhtawakgenanaw Biblia? ¿Pi wa tlakg xlakaskinka nakamakgtayayaw latamanin tiku xaʼakgstitum namakglhtinankgo latamat? (Mat. 7:14.) Wa uma pulana wi kʼlista nema naʼakxilhaw, pero ni wa tlakg xlakaskinka. ¿Tuku tlakg xlakaskinka nema wi kʼlista tlawa pi nalichuwinanaw Dios?

1. Akgtum taskujut nema lakgmaxtu latamat (Juan 17:3).

2. Kalimakatsinikan tiku lixkajni likatsikgo nalakgpalikgo xlatamatkan (Eze. 3:18, 19).

3. Makgantaxti tuku talichuwinanit kBiblia (Mat. 24:14).

4. Limasiya pi Dios xaʼakgstitum. Akxni Jehová nakamalakgsputiy tiku lixkajni xtayatkan niti la katiwa pi niti kawanilh xlakata xlakgpalikgolh xtayatkan (Hech. 17:30, 31; 1 Tim. 2:3, 4).

5. Akxni lichuwinanaw Dios kinkamakgtayayan xlakata namakgantaxtiyaw tuku kinkaliyawakanitan pi nakamakgtayayaw latamanin nalakgapaskgo Dios tiku kalitamawakanit xkgalhni Cristo (Rom. 1:14, 15).

6. Ni katiliw kuenta komo nakamakgnikan tiku lixkajni xtayatkan (Hech. 20:26, 27).

7. Talakaskin chuna natlawayaw xlakata tlan nalakgtaxtuyaw (Eze. 3:19; Rom. 10:9, 10).

8. Limasiyayaw pi paxkiyaw kintalatamankan (Mat. 22:39).

9. Kinkaliʼakxilhkanan komo xlikana kgalhakgaxmataw Jehová chu xKgawasa (Mat. 28:19, 20).

10. Na likakninaniyaw Jehová (Heb. 13:15).

11. Limasiyayaw pi paxkiyaw Dios (1 Juan 5:3).

12. Tlawa pi natasantujtlawa xtukuwani Jehová (Isa. 43:10-12; Mat. 6:9).

Ni kajwatiya uma tuku lichuwinaw tlawa pi nalichuwinanaw Dios. Lichuwinankan Dios matliwakglha kintakanajlakan chu tlan xmakgtayaninanin Dios nawanaw (1 Cor. 3:9). Pero nema tlakg xlakaskinka wa xlipulakkutiy. Maski nakgaxmatakgo o ni nakgaxmatakgo latamanin akxni lichuwinanaw xtachuwin Dios tlawa pi natasantujli xtukuwani. Nachuna, uma tlawa pi Jehová tlan natalakgalhtiy tiku lixkajni wanima (Pro. 27:11). Wa xlakata lu xlakaskinka “chuntiya chali chali namasiyunikgoyaw yama lakwan xtamalaknun» (Hech. 5:42).