La tlan nawanaw akxni nalichuwinanaw Dios
La tlan nawanaw akxni natsukuyaw limakgalhtawakgananaw xapulana sábado xla noviembre
«Kʼuma kakilhtamaku litatsamanit guerras, lamakgnit, latlawanikan tuku nitlan, tajatat nema ni pakskan, katuwa tuku masputunan chu lhuwa tuku lipatinankan. Makgapitsi latamanin lakpuwankgo pi komo Dios kgalhi xliputum litliwakga, xapaxkina, xaskgalala chu xaʼakgstitum, tuku xlakata masta talakaskin naʼanan tapatin. ¿Tuku lakpuwana wix?» [Kamaxki talakaskin nakgalhtinan.] Kawani pi kalikgalhtawakgalh 1 Juan 5:19, chu alistalh kamaxki libro ¿Tuku xlikana masiyay Biblia? Kalitachuwinanti nema min kpágina 108 párrafo 7, chu kawani pi Satanás wa tiku tlawa kaʼanalh tapatin xlakata wa tiku mapakgsi uma kakilhtamaku. Kawani pi nataspitparaya atanu kilhtamaku xlakata nakgalhtiya atanu takgalhskinin xlakata uma.
Makatsinina Octubre-diciembre
«¿Tuku lakpuwana akxni kgaxpata tachuwin tlat?» [Kamaxki talakaskin nakgalhtinan.] Kawani pi kalikgalhtawakgalh Lucas 11:2 chu alistalh kamaxki revista Makatsinina xla octubre-diciembre chu kalitachuwinanti xapulana akgtutu párrafos xla página 19. Kawani pi xlakaskinka nalakgapaskan xaTlat, xlakata tlakg napaxkiyaw. Kawani komo tlan namakgxtakgniya revista chu kawani pi nalakgpimparaya.
¡Despertad! Noviembre
«Uma kilhtamaku kkalakgapaxiʼalhnamaw familias xlakata kmakgtayanamputunaw kkachikin. ¿Ni xlikana pi la uku lhuwa familias kaj xatlat o xatse lakgaya familia? ¿Lakpuwana pi tlakg tuwa makgkatsikgo uma familias? [Kamaxki talakaskin nakgalhtinan.] Biblia limin lhuwa tastakyaw nema kamakgtayanit lhuwa natlatni [kalikgalhtawakga 2 Timoteo 3:16]. Uma revista limin makgapitsi tastakyaw xlakata nakamakgtaya natlatni tiku xakstukan kamakgastakmakgolh xkamanankan kʼuma lu tuwa taskujut.»