La tlan nawanaw akxni nalichuwinanaw Dios

La tlan nawanaw akxni natsukuyaw limakgalhtawakgananaw xapulana sábado xla noviembre

«¿Lakpuwana wix pi Biblia maktum libro nema kgalhi xtalakapastakni Dios chu pi kamakgtaya latamanin xala uku? [Kamaxki talakaskin nakgalhtinan.] Kaʼakxilhti tuku wan Biblia chu tuku tlan tlawa chuna la wan 2 Timoteo 3:16.» Chu alistalh kamasiyani capítulo 2 xla libro ¿Tuku xlikana masiyay Biblia? chu kalikgalhtawakga párrafo 5. Kamalaknuni libro chu katalakkaxla atanu kilhtamaku nalakgapaxialhnamparaya xlakata tlakg nalichuwinanatit xlakata libro.

Makatsinina 1 xla noviembre

Kamasiyani tuku limin xmakni revista chu kakgalhskinti: «¿La xmakgkatsi komo xkatsi pi kaj taʼakgsanin tuku wanikanita xlakata Dios? [Kamaxki talakaskin nakgalhtinan.] Kaʼakxilhti tuku wa Jesús xlakata nakatsiyaw tuku xaxlikana chu tuku ni xaxlikana [kalikgalhtawakga Juan 17:17]. Kajwatiya kBiblia tlan nakatsiyaw xaxlikana xlakata Dios. Uma revista limasiya Biblia pulakkitsis taʼakgsanin nema lichuwinankan xlakata Dios».

¡Despertad! Noviembre

«Akxni liwana akxilhaw kakilhtamaku chu putum tuku anan, ¿tuku lakpuwanaw? ¿Wi chatum Malakatsukina, o kaj xakstu lakatsukulh tuku anan? [Kamaxki talakaskin nakgalhtinan.] Kaʼakxilhti tuku wa chatum tsokgna xalak Biblia [kalikgalhtawakga Romanos 1:20]. Uma revista lichuwinan tuku akxilhkanit xlakata célula nema kinkamakgtayayan liwana naʼakgatekgsaw o namakgachakgxiya uma tuku lichuwinamaw.»