«Tlan kakatalalipitit putum lakchixkuwin»
1. ¿Tuku wan Biblia pi kilitlawatkan akxni nitlan nakinkamakgamakglhtinankanan kʼakgtum chiki?
1 Xkachikin Jehová ni katakgalhikgo taʼakglhuwit amakgapitsin chu lichuwinankgo pi nialh katiʼanalh taʼakglhuwit (Is. 52:7). Pero, min kilhtamaku latamanin sitsikgo akxni kalakganaw. Kaʼakxilhwi tuku nakinkamakgtayayan xlakata ni nasitsiyaw akxni chuna nala (Rom. 12:18).
2. ¿Tuku kililakapastakatkan akxni wi tiku kinkasitsiniyan?
2 Kakaʼakgatekgsniw. Wi tiku sitsikgo xlakata ni lakgatikgo tuku masiyayaw, amakgapitsi sitsikgo xlakata ni katsikgo tuku lichuwinanaw. Max ni kilichanatkan xwanit akxni chaw o xsitsima xlakata max kgalhi taʼakglhuwit. Maski wa nalisitsi tuku litachuwinamaw, kililakapastakatkan pi max chuna kgalhtinan xlakata max wi tiku nitlan lixakgatlilh xtatayananin Jehová (2 Cor. 4:4). Komo naʼakgatekgsniyaw, ni katisitsiw chu ni nalakpuwanaw pi akinin kinkasitsiniman (Prov. 19:11).
3. ¿La tlan nakamaxkiyaw kakni tiku katachuwinanaw?
3 Kakamaxkiw kakni. Lakalhuwa niku lichuwinanaw Dios, latamanin lu kanajlakgo tuku kamasiyanikanit (2 Cor. 10:4). Xlakan nalaksakkgo komo nakinkakgaxmatnikgoyan o ni. Nikxni nakamaʼaktujuyaw xlakata tuku kanajlakgo chu ni nakamamakgkatsiniyaw pi ni tuku katsikgo xalak Biblia. Komo nakinkatlakgalinan, ni nasitsiyaw chu tunkun naʼanaw.
4. ¿Tuku wamputun «tlan katakgaxmatli» la nakgalhtinanaw?
4 Tlan kakgalhtinaw. Maski nitlan nakinkakgalhtikgoyan, «tlan katakgaxmatli» la nakakgalhtiyaw (Col. 4:6; 1 Ped. 2:23). Ni kaj natalatlawayaw, wata tlan naputsayaw tuku nalakgati nalitachuwinanaw. Tlakg tlan nakgalhskinaw tuku xlakata chuna lakpuwan. Xlakata ni natalatlawayaw tiku tachuwinamaw, namin kilhtamaku tlakg tlan nawan naʼanaw alakatanu (Prov. 9:7; 17:14).
5. ¿Tuku tlan kitaxtu akxni ni talatlawananaw akxni lichuwinanaw Dios?
5 Komo akinin ni talatlawananaw, tiku katachuwinaw nalakapastakkgo la kakgalhtiw, chu max nakgaxmatnikgo atanu tala tiku nakalakgampara (Rom. 12:20, 21). Maski lu ni kgaxmatputunkgo, max namin kilhtamaku na kinatalankan nawankgo (Gál. 1:13, 14). Maski kinatalankan nawankgo o ni, namalankiyaw Jehová chu tlan nalichuwinankan tuku masiyayaw xlakata tlan kgalhtinanaw chu ni talatlawananaw (2 Cor. 6:3).