Tlakg kakatsini la nalichuwinana Dios: kakatsini la nakgalhtiya tiku lu sitsinit

Tuku xlakata xlakaskinka. Akxni anaw lichuwinanaw Dios katekgsaw latamanin tiku tlan kinkakgalhtikgoyan. Pero Jesús lichuwinalh pi makgapitsi ni xkinkaʼakxilhputunkgon (Juan 17:14). Wa xlakata ni kaks nalilakawanaw komo min kilhtamaku nakatekgsaw latamanin tiku nakinkakilhnikgoyan. Komo chuna xkinkalakgchan, nakakgalhtiyaw chuna la lakgati Jehová, Dios tiku palakachuwinanaw (Rom. 12:17-21; 1 Ped. 3:15). Akxni tlan kgalhtinanaw makgtayanan xlakata ni tlakg lanka nawan taʼakglhuwit. Nachuna kamaxki tlan liʼakxilhtit tiku tachuwinamaw chu tiku max akxilhmakgolh, chu uma natlawa pi atanu kilhtamaku nakakgaxmatnikgo xtatayananin Jehová (2 Cor. 6:3).