Página jw.org: lu makgtayanan xlakata nakamasiyaniya minkamanan
1. ¿La namakgtayanan sección niku wan «Niños» xla jw.org?
1 Kisitiojkan jw.org, tlawakanit xlakata tlan naʼakxilhkgo putum latamanin. Akgtum liʼakxilhtit, sección niku wan «Niños» (sólo disponible en español; kapit Enseñanzas Bíblicas > Niños) tlawa pi natlatni chu kamanan makxtum natawilakgo chu tlan natalalinkgo Jehová (Deut. 6:6, 7). ¿La nalimaklakaskina uma sección xlakata nakamasiyaniya minkamanan?
2. ¿Tuku talakaskin naʼakxilhkan akxni namakgalhtawakgekan aktsu kgawasa?
2 Kamasta talakaskin. Laktsu kamanan ni lakxtum (1 Cor. 13:11). Wa xlakata ¿la nakatsiya xlakata tuku nakalitakgalhtawakgaya chatunu chatunu? Talakaskin kuenta natlawakan xkata, chu tuku lakgati. Nachuna, talakaskin nakatsikan tuku akgatekgsa chu la xlilhuwa kilhtamaku tlan kaks natawila. Serie xla jw.org niku wan «Mis primeras lecciones de la Biblia» tlan katamaklakaskinkan laktsu kamanan tiku kgalhikgo akgtutu kata o nina. Chu niku lichuwinan historias xalak Biblia xla serie «De padres a hijos» lu lilakgatit likgalhtawakgakan. Kaʼakxilhwi amakgapitsin nema nakinkamakgtayayan.
3. ¿La liwana namaklakaskinkgo natlatni historias chu nema wanikan «Ideas para la adoración en familia»?
3 Tuku tlan natlawayatit akxni nakakninaniyatit Dios kmifamilia. Uma sección limin nema nakamakgtaya tiku pulalin familia. Kapitani niku wan «kamakti» chu kaʼakxilhti niku wan «Guía para los padres» xlakata liwana nakatsiya la nakatalikgalhtawakgaya historias chu atanu. Kamanan tiku laktsujku, wa kakalimasiyanika nema liminkgo dibujos chu tlan namanikgo. Chu kamanan tiku tlakg laklankata, tlan nakamakgtayakan xlakata natlawakgo nema wanikan proyectos de investigación. Putum tuku wi niku wan «Guía para los padres» watiya lichuwinan historias xalak Biblia. Uma natlawa pi putum familia tlan namakgtayanankgo.
4. ¿Tuku limin sección xʼamigo Jehová kawanti?
4 Xʼamigo Jehová kawanti. Videos, tatlakgni chu tuku tatlawa kʼuma sección xla jw.org kamakgtaya natlatni xlakata nakamasiyani xtachuwin Dios laktsu xkamanan (Deut. 31:12). Videos nema limin caricaturas lhuwa tuku kamasiyani laktsukamanan, nachuna takgaman nema limin kamalakapastakapala tuku katsininit. Komo lhuwa laktsu kamanan lakgatikgo kilhtlikgo chu tatlakgni lu kamakgtaya xlakata nalakapastakkgo tuku katsinikgonit, ni lhuwa kilhtamaku titaxtu wilikan xalaksasti tatlakgni, chu nachuna takilhtlin xla laktsu kamanan.
5. Tuku xlakata natlatni naskinikgo xtamakgtay Jehová?
5 Natlatni, Jehová lakaskin tlan kakakitaxtunin chu kakamasinitit xaxlikana min kamanan. Wa xlakata kaskinitit xtamakgtay (Juec. 13:8). Komo chuna natlawayatit nakamakgtayayatit xlakata «xtatsokgnun Dios, wa yuma ntu makgataksniyan lantla nakgaputaxtuya, lantla nakanajlaniya nCristo Jesús» (2 Tim. 3:15; Prov. 4:1-4).