Niku tamasta xtakgalhtin akgtum takgalhskinin

◼ Komo chatum tala puskat makgalhtawakganan kxmalakcha akgtum chiki, chu taʼan chatum tala chixku, ¿xlitaʼakgtlapat?

Akxni chatum tala puskat makgalhtawakganan chu taʼan chatum tala chixku, xlitaʼakgtlapat (1 Cor. 11:3-10). Atalaya 15 xla julio kata 2002 wan kpágina 27, xa español: «Komo tiku makgalhtawakgenama masiyanama, uma tamalakxtumikan la tiku masiya congregación, uma wamputun la komo xmasiyalh congregación. Komo chatum tala puskat makgalhtawakganan kxlakatin tala chixku tiku tamununit, xlitaʼakgtlapat». Uma wamputun pi xlitaʼakgtlapat maski xpulakni chiki, kmalakcha ya o alakatanu niku makgalhtawakgenama komo taʼan chatum tala chixku.

Pero ¿komo tiku lakgapaxialhnamaka aku revisita? Tala puskat ni talakaskin nataʼakgtlapa komo aku revisita, o komo kaj masiyama la makgalhtawakgananaw chu kaj tsinu talikgalhtawakga maktum likgalhtawakga. Akxni matsukikan akgtum takgalhtawakga talakaskin makglhuwa nalakgankan lataman, tiku lichuwinankgo Dios kuenta natlawakgo akxni natalakaskin nataʼakgtlapa tala puskat.