KILATAMATKAN LA KSTALANINANIN CRISTO
Kalimasiyaw tlan tayat akxni lichuwinanaw Dios kʼakgatunu chiki
Kstalaninanin Cristo «lilakgastan kuanitaw» xlakatin latamanin (1Co 4:9). Wa xlakata, ni kaks kililakawanatkan pi makgapitsi latamanin kinkaʼakxilhkgoyan kxventanajkan o kinkakgaxmatnikgoyan kxchakgen malakcha. Kalichuwinaw makgapitsi tuku tlan natlawayaw xlakata nalimasiyayaw tlan tayat akxni lichuwinanaw Dios kʼakgatunu chiki (2Co 6:3).
KINTAYATKAN (Flp 1:27)
Kalimasiyaw pi ni makgtanuyaw kxlatamatkan latamanin chu ni katalakanuw kxchikkan. Akxni yaw kmalakcha ni tuku kawaw, ni tuku kalikgotnaw, ni kachuwinaw kteléfono chu ni kamalakgachaw mensajes.
KINTACHUWINKAN (Ef 4:29)
Akxni kgalhkgalhimaw pi namalakikan malakcha, ni kalichuwinaw tuku ni lakaskinaw pi nakgaxmata tiku kxchik. Makgapitsi natalan nialh tachuwinankgo tiku taʼankgo xlakata nalakkaxwilikgo chu nalakpuwankgo tuku nawankgo.