Katakaxwi akxni natalakapastaka akxni tinilh Cristo
Ama kilhtamaku 13 xla nisán xwanit kata 33. Jesús xkatsi pi awatiya tsisni xʼama katatawila tiku tlakg tlan xkatalalin akxni nina xmakgnikan. Awatiya Pascua xʼama katatlawa chu xTaway kiMalanakan xlakgxokgo litaxtulh uma Pascua. Xlakata uma kilhtamaku lu xlakaskinka xwanit, xtalakaskin xlakkaxwilika, wa xlakata malakgachalh Pedro chu Juan xlakata xlakkaxwilikgolh (Luc. 22:7-13). Lata uma kilhtamaku, xlakaskinka pi akinin kstalaninanin Cristo tiku lakapastakaw akxni tinilh Cristo nalakkaxwiliyaw xlakata uma kilhtamaku (Luc. 22:19). Kaʼakxilhwi tuku natlawayaw xlakata natakaxaw akxni natalakapastaka akxni Cristo 3 xla abril.
Tuku xlitlawatkan tiku lichuwinankgo Dios:
Lhuwa naliskujkgo xlakata namakgpitsikgo invitación akxni natalakapastaka akxni tinilh Cristo.
Kakatsokgwili tiku kalimakgalhtawakgeya Biblia, mifamilia, tiku katapina kʼescuela o tiku kataskuja chu tiku kalakgapasa tlan nakawaniya pi tlan nakinkatatamakxtumiyan akxni natalakapastaka akxni nilh Cristo.
Kalikgalhtawakga textos nema lakgchan akxni natalakapastaka akxni nilh Cristo chu kalilakpuwananti tuku nalikgalhtawakgaya.
Tlan nakamakgamakglhtinanaw tiku naʼankgo akxni natalakapastaka akxni tinilh Cristo.